පෙනෙන දේ තුල නොදකින දේ A tax free value addition to sinhala blogging

මා විසින් මුහුණ පෑ සත්‍ය සිදුවීමකි!

දිනය - 2013 අප්‍රේල් මාසයේ දිනයක්  

ස්ථානය - වත්තහේන කණිටු විදුහල

මම - ඉස්කෝලෙට විදුලිය ලැබීම නිසා සිදු වූ ලොකුම හොඳ මොකද්ද?

විදුහල්පති - අපි මේ ඉස්කෝලෙට කරන්ට් එක ආවහම … ඉස්සෙල්ලම කරේ සල්ලි ටිකක් හොයාගෙන වතුර පොම්පයක් අරන් … වතුර ටැංකියක් හයි කරලා ටොයිලට් එකට වතුර දුන්නා

මම - හ්ම්ම්ම් (මම හිත ඇතුලෙන්  “ඕකේ  ඉතින් මොකද්ද මහා හොඳේ ???”)

විදුහල්පති - එකෙන් කර ගත්ත ලොකුම දේ තමා අපි ළමයින්ට හරි විදියට වැසිකිලි යන හැටි කියල දුන්නා …. එතකන් එක ළමයෙක්වත් හරි හැටි වැසිකිළියට  යන හැටි දැනන්  හිටියේ නැහැ….. (දිගටම කියවන්න මෙතන click කරන්න)

පෙනෙන දේ තුල අපි නොදකින බොහෝ දේවල් තියෙනවා.. ඒ දේවල දකින්න බොහෝ විට අපිට අදාල විෂය පිලිබඳ දැනීමක් තියෙන්න ඕනි.. ඒත් ලෝකේ තියෙන හැම විෂයක් සම්බන්දයෙන්ම ඉගෙන ගන්න හැකියාවක් අපිට නෑ. විදුලි හා විද්යුත් ඉංජිනේරු විෂය මෙන්ම තිරසාර සංවර්ධන ඉලක්ක වලට අයත් බලශක්ති සංරක්ෂණය/ කළමනාකරණය කියන්නේ ඉතාමත් පුළුල් ඒ වගේම මේ වෙනකොට ලෝකයේ වැඩියෙන්ම කතා බහට ලක්වෙන විෂයයක්.. මගේ බ්ලොග් එකේ කිහිප තැනක මින් ඉහත මා මිත්‍ර නදීර විජේසිංහ ගැන සඳහන් කරලා තියෙනවා. වෘත්තියෙන් විදුලි ඉංජිනේරුවෙක් වෙන නදීර අනෙක් බොහෝ විදුලි ඉන්ජිනේරුවන්ගෙන් වෙනස් වෙන්නේ විදුලි බලශක්තිය උත්පාදනය හා කළමනාකරණය ගැන ඔහු දක්වන සැලකිල්ලෙන් ආ ඒ පිලිබඳ ඔහුගේ ආකල්පයෙන්.. සුර්ය බල ශක්තියෙන් විදුලිය උත්පාදනය, ගල් අඟුරු බලාගාර වලින් වෙන පරිසර දුෂණය, ඩිසල් මගින් ජනනය කරන විදුලිය වෙනුවෙන් අපි වැය කරන මිළ වගේ දේවල් ගැන ඔහුගේ කියවීම ඇත්ත වශයෙන්ම ඇස් අරවන සුළුයි. මගේ ලොකු උවමනාවක් තිබ්බ නදීර ලවා බ්ලොග් එකක් ලියවන්න. ඒ වෙනුවෙන් සිංහල බ්ලොග් අවකාශයේ තවත් ජේෂ්ඨ බ්ලොග් කරුවෙක් වන 'තිලකසිත' ගෙන්ද නදිරට ලොකු තල්ලුවක් ලැබුණා..

ඔන්න දැන්න නදීර ඔහුගේ මේ දැනුම හා අත්දැකීම් අපිත් එක්ක බෙදා ගන්නවා.. ඔබට පුළුවන් ඔහු සමඟ මේ පිළිබඳව ඔහුගේ මෙම බ්ලොග් එක හරහා දීර්ඝ සංවාදයක් ගොඩ නගන්න. ඒ වෙනුවෙන් කාලය වෙන්කරන්න ඔහු කොයි වෙලාවකවත් මැලි වෙන්නේ නෑ..

IESL එකෙන් කරන Official e- newsletter එකේ නදිරගේ ලිපි පළවෙනවා.. මේ එහි ඔහු පිළිබඳව හඳුන්වා දී තිබු ආකාරය..

Eng. Nadeera Wijesinghe holds a Masters in Energy Systems from University of Gavle and B.Sc (Eng) Hons from University of Moratuwa specializing in Electrical Engineering. He is also a Project Management Professional (PMP) of PMI, USA. Currently he serves as Senior Electrical Engineer - Power System Designs at M.A. Consultants in the State of Qatar.

ඊට අමතරව කියනවා නම් නදීර කියන්නේ 'හොඳට කන බොන' ජිවිතේ විඳවන්නේ නැතුව විඳින එළ කොල්ලෙක්.. ඔහුව සිංහල බ්ලොග් අවකාශයට සාදරයෙන් පිළිගන්නා ගමන් ඔහුගේ බ්ලොග් එකට ගොඩවී නදිරව දැන අඳුනා ගන්නා ලෙසත්   'කලාහිත' හිතවත් සැමගෙන් ඉල්ලා සිටිනවා.. 

ස්තුතියි!

යහපාලනයට අලුත් කොන්දක් නාවික හමුදාවෙන්.. හම්බන්තොට උද්ඝෝෂකයින්ට 'සඳ ගුටි'.. Enough is enough.. Let's start from Hambantota

කාලෙකට පස්සේ ඊයෙ ආසාවෙන් ප්‍රවෘත්තියක් නැරඹීමට හැකිවිය.. සිංගප්පූරුවේ හා චීනයේ සිට පැමිණ තිබු නෞකා දෙකක් බලෙන් රඳවාගෙන දින තුනක් පුරා හම්බන්තොට වරාය පරිශ්‍රය තුල පිස්සු නැටු නාමල්ගේ නිල් බළකා ගොබිලන්ට අමතක නොවන 'නාවික පාඩමක්' නාවික හමුදාවට හුරු පුරුදු පුහුණු විලාසයෙන්ම රිසිසේ ලබා ගැනීමට අවස්ථාවක් නාවික  හමුදාපති තුමා ප්‍රමුඛ නාවිකයින්ගෙන් ලැබිණි. වසර ගණනාවක් තිස්සේ ඇඳ පුරුදු නාවිකයින්ගේ මුහුදු නිළ ඇඳුම වූ (sea rig) නිල්පාට අත් කොට ටී ෂර්ට් එකෙන් හා කොට කලිසමෙන් සැරසී වේග ප්‍රහාරක මුර යාත්‍රාව හෙවත් ඩෝරා යාත්‍රාවේ නැගී හම්බන්තොට වරායට ඇතුළු වන 'සද්දන්ත රැවුල්කාරයා' දුටු මට ඇතිවූ පළමු හැඟීම වූයේ .. 'අදනම් බඩුම තමයි' යන්නයි.. මගේ නිගමනය ආසන්නයටම හරි ගියේය.

photo credit; www.google.lk

මීට වසර පහළොවකට විස්සකට ප්‍රථම මේ හා සමාන දසුන් මම අනන්තවත් දැක ඇත්තෙමි. එවකට එම දසුන මිලේච්ච කොටි සංවිධානයේ ඇමතුම් ජාලය ක්ෂණිකව කළඹවන්නක්ම විය.. සත්‍යවශයෙන්ම එසේ නම කියැවූ සැණින් මුහුදු කොටි ජාලය කැළඹවිය හැකි නාවික නිළධාරීන් නාවික හමුදාව තුල සිටියේ අතලොස්සකි.. වයිස් අද්මිරාල් රවී විජේගුණරත්න යනු ඒ අතලොස්ස අතරිනුත් වඩාත් බිය ජනිත කරවන සුළු රණකාමියෙකි. ඔහුගේ ඉහත කි දසුන කොටි ත්‍රස්තවාදීන් බියෙන් හැකිලවුවා හා සේම සිය සගයින් රණකාමිත්වයෙන් ඔද නැංවීමටද එක හා සමත්වූ ආශ්වාදජනක අත්දැකීමක් විය. කාලෙකට පසු ඊයේ සිදුවීමෙන් එවන් ආශ්වාදයක් මාද ලද්දෙමි. 

උද්ඝෝෂකයින්ට පහර දුන්නා, මාධ්‍ය වේදීන්ට තර්ජනය කරා, මේකද අපේ මාධ්‍ය නිදහස.. මේ සියල්ල බොරු විකාර වේ.. උඹලාගේ උද්ගෝෂණ වැඩ වර්ජන ඉල්ලීම් කන් කෙඳිරිගෑම්, දේශපාලක පද වලට නැටුම් උඹලම තියාගනිල්ලා.. වරායකට ඇතුළුවූ වෙනත් රටක නෞකා දෙකකට ආරක්ෂාව සැපයීම හා ඒවා නිසි වෙලාවට ආරක්ෂිතව නාවික දේශ සිමාවෙන් පිටතට යාත්‍රා කරවීමට පහසුකම් සැලසීමේ වගකීම නාවික හමුදා කාර්යබාරයකි. වසර තිහක අතීතය තුල ලෝකයේ දරුණුම මුහුදු ත්‍රස්ත සංවිධානය ගලග්‍රහණයෙන් ගෙන මුහුදේ බල පරාක්‍රමය පැතිරවූ නාවික හමුදාවකට එරෙහිව අත එසවුවහොත් එහි ප්‍රතිවිපාක ඔබ අත් විඳිය යුතුමය.. එයිනුත්.. ඒ හමුදාව මෙහෙයවන්නේ 'රවී විජේගුණරත්න' නම්.. මට කිව හැක්කේ ඊයෙ යහතින් ගෙදර යාමට තරම් නුඹලා වාසනාවන්ත වූ බව පමණි. 

කලකට ඉහත ආසාවෙන් නැරඹු 'Rules of Engagement' බටහිර ක්‍රියාදාම චිත්‍රපටය ඊයෙ මට සිහිවිය.. යේමනයේ ඇමෙරිකානු තානාපති කාර්යාලය වටලා තානාපතිවරයා හා පවුල ප්‍රාණ ඇපයට ගෙන සිටි අවිගත් යේමන් කැරලි කරුවන් හා සටන්කොට තානාපතිවරයා හා පවුල ආරක්ෂිතව ඉවත් කර ගැනීමේ මෙහෙයුමට නායකත්වය දෙන මැරයින් කමාන්ඩෝ නිළධාරියා ඉන් අනතුරුව 'සිවිල් ජනතාවට වෙඩි තැබීමේ වරදට' හමුදා අධිකරණයකට යොමු කරයි.. ඔහුට පක්ෂව ඇති සියලු වීඩියෝ සාක්ෂි විනාශ කර එදිරිව ඇති සාක්ෂි පමණක් ඉදිරිපත් කරමින් පිරිසක් කැත දේශපාලන ක්‍රීඩාවක නිරත වෙද්දී ඔහු වෙනුවෙන් ඉදිරිපත්වන්නේ වියට්නාම් සටනේදී ඔහු සමඟම සටන් කල ඔහුගේම සගයෙක් වේ. අවිගත් කුඩා දරුවන් හා කාන්තාවන් (මෙහි කුඩා දරුවන් හා කාන්තාවන් අවි දරා සිටින cctv දර්ශන හිතා මතා විනාශ කරනු ලබයි) පහර දීමට අණ දීමේදී ඔහු භාවිතා කරන වචන එනම් "Waste the bloody motherfuckers" යන්න ඔහුට එරෙහිව එල්ල කරන ප්‍රධානම චෝදනාවකි. මේ තර්කය ගේන නීතිඥයා හෝ තර්කය ගේන උසාවිය අදාළ සිදුවීම වූ අවස්ථාවේ එහි සිටියානම්? 'එන්න, යන්න, අමර මල් නෙලන්න, ඔයා මෙයා, නරක සමනළයා..' කියා යුද්ද කරන භාෂාවක් ලොවේ නැත.. අවසානයේ ඔහුට එදිරිව සාක්ෂියට ගෙන එන හිටපු වියට්නාම හමුදා ප්‍රධානියාගෙන් විත්තියේ නීතිඥයා අසන එකම ප්‍රශ්ණය 'ඔබ එම අවස්ථාවට මුහුණ දුන්නානම් ඔබ ගන්නා ක්‍රියාමාර්ගය කුමක්ද? යන්නෙන් නඩුව අවසන් වේ.. 

හම්බන්තොට සිදුවීම සම්භන්දව නැගෙන එක ප්‍රධාන ප්‍රශ්ණයක් වන්නේ මෙය නාවික හමුදාපති වරයාගේ මැදිහත්වීමෙන් සිදුවිය යුතුද යන්නයි.. පිළිතුර ඉතා පැහැදිලිය.. ඔහු 'රවී විජේගුණරත්න'යි.. නාවික හමුදාවේ රවී විජේගුණරත්නලා දෙන්නෙක් නැත. ඉන්නා එකම රවී විජේගුණරත්න යනු එවන් නිලධාරියෙකි. බළලුන් ලවා කොස් ඇට බාවාගෙන විකුණා ලාබය ලබා ගන්නා 'දෙකයි පණහේ' වැඩ ඔහු ළඟ නැත. මිට වසර විසිපහකට පමණ පෙර ශ්‍රී ලංකා නාවික හමුදාවට විශේෂ යාත්‍රා බලගණය හඳුන්වා දීමේදී එහි පුරෝගාමිත්වය ගත් විශේෂ යාත්‍රා බලගණයේ මුල්ම නිලධාරී කණ්ඩායමේ ඔහු සිටියේය. යුද්ධය අති දරුණුවටම ඇවිලුණු වසර දෙදාහ ආසන්න කාලයේ විශේෂ යාත්‍රා බලගණයේ අණදෙන නිලධාරියා වුයේ ඔහුයි.. එකල විශේෂ යාත්‍රා බලගණය සහභාගී වූ සියලු මෙහෙයුම් මුහුදේ වෝටර් ජෙට් යාත්‍රාවක සිට ඔහුගේ අධීක්ෂණය යටතේ සිදුවිය. නාවික හමුදාපති දුරයට එතෙක් මෙතෙක් පත්වූ වැඩිම වීර පදක්කම් ලද නිලධාරියා (Most Decorated War Hero) ඔහු වේ.. ඉතින් කවර කතාද?

මෙහි මා දකින අනෙක් විශේෂත්වය වන්නේ යහපාලන ආණ්ඩුව ආ දවසේ සිට 'මට FCID යන්න වෙයි' 'මගේ නිළයට කෙලවෙයි' කියා ලියවිල්ලකටවත් අත්සන් තැබීමට ප්‍රාදේශීය සභාවක ලේකම් කෙනෙක්වත් මැලිවෙද්දී මේ ගැටළුවට විසඳුම් සෙවීමට ඔහුම ඉදිරිපත් වීමයි. මෙවන් අවස්ථාවල 'ඇඟ බේරාගෙන පොඩි එකෙක් කඩේ යැවීම' කොතරම් සාමාන්‍යකරණය වී ඇද්ද යන්න මේ අහන ප්‍රශ්න වලින්ම තෙරේ. නමුත් එය රවී විජේගුණරත්න නම් 'නායකයාගේ' හැටියක් නොවේ.. ඔහු ඉදිරිපෙළ සිට නායකත්වය දෙන්නෙකි.. ඒ ගැන ඔහුට විශේෂ ප්‍රණාමයක් හිමිවිය යුතුමය. 

ඡායාරූපය නාවික හමුදා නිළ වෙබ් අඩවියෙනි

ඊනියා යහපාලනය සමඟ කරලියට ආ මාධ්‍ය නිදහස ගැනද මෙහිදී සඳහන්ය කල යුතුය. මෙහි නම් සඳහන් නොකරත් තවමත් පරණ ආණ්ඩුවට රෙදි නැතිව කඩේ යන පෞද්ගලික නාලිකා දෙක තුනක් මේ මාධ්‍ය නිදහස 'වල් බූරු අන්දමින්' භාවිතයේ යොදවන බව සැමට ප්‍රත්‍යක්ෂයකි. වාර්ථා කලයුත්ත කුමක්ද නොකළ යුත්ත කුමක්ද යන්නෙහි දිග පළල ඔවුන් තකන්නේ නැත. ලොව කිසිම රටක හමුදා මෙහෙයුමක් සජීවීව පටිගත කර මාධ්‍යයට මුදා හැරීමට 'මාධ්‍ය නිදහස' දෙන්නේ නැත. හම්බන්තොට ඊයේ සිදුවූයේ නාවික හමුදා මෙහෙයුමකි. ඒ මෙහෙයුම අතර එය වාර්තා කිරීමට යන මාධ්‍ය වේදියෙක් වේනම් ඔවුන් අනිවාර්යයෙන්ම අදාළ හමුදා මාධ්‍ය ප්‍රකාශක වරයා හා සම්භන්ද වී ඊට අවසර හා ආරක්ෂාව සපයා ගත යුතුයි. එසේ නැතිව දකින දකින පොලිස් කාරයටයි හමුදා කාරයටයි කැමරාව අල්ලා ඒවා උන්ට කැමති කැමති විදියට 'නිවුස්' කිරීමට ඉඩ නොදිය යුතුයි. අඩුම වශයෙන් ඒ බව දැන්වූ පසුව වත් එයින් වැලකි සිටීමට තරම් විනයක් මාධ්‍ය හැඳුනුම්පත් දරන්නන් අත තිබිය යුතුයි. මෙරට ප්‍රාදේශීය මාධ්‍යවේදී හැඳුනුම්පතක් යනු රටේ ඕනෙම මර්මස්ථානයකට ඇතුළුවී කැමරාව ඇටවීමට දෙන ලයිසමක් නොවේ. මේ සිංහල තේරෙන්නේ නැති එකාට තේරෙන භාෂාවකින් එය කියා දිය යුතුයි.. 

අවසානයට සඳහන් කල යුත්තේ යහපාලන රජයට මෙතෙක් නොතිබූ කශේරුකාවක් ඊයේ හම්බන්තොටදී නාවික හමුදාවෙන් ලැබුණු බවයි.. නීල කාස හොරු බළකායේ කඩාකප්පල්කාරී උද්ඝෝෂණ නඩයට පාඩමක් කියා දීමට හම්බන්තොට තරම් ගැලපෙන වෙනත් තැනක් සොයා ගත නොහැකිය.. තමන් මෙතෙක් රජ කල හම්බන්තොට වැල්ල දිගේ දෙපයට වැඳ වැඳ දුවන්නත් එහිම වැටී දුක කියා හඬා වැලපෙන්නටත් මෙතරම් ඉක්මණට සිදුවේයැයි 'නාමල්ගේ කොල්ලෝ' හිතන්නත් නැතිය. ඒත් උන් ඊයේ නයාට පහර ගසා පොල්ල වරද්දා ගත්හ. ඒ මෙහෙයුමට අණදුන් නාවික හමුදාවේ ඒ 'සද්දන්ත රැවුල්කාරයාට' මාගේ ආචාරය!

ජාතික ආරක්ෂාව, පා.ම. විමල් විරවංශ හා රියර් අද්මිරාල් ට්‍රැවිස් සින්නයියා Rear Admiral Travis Sinniah- A Master and a Commander

රස්සාවට කරන්නෙත් ආරක්ෂාව ගැන බලන එක උනාට 'ජාතික ආරක්ෂාව' ගැන නම් ඒ හැටි හොයන්න මේ දවස්වල විවේකයක් නෑ.. ඒත් ඒ ගැන තියෙන උනන්දුව ගැන දන්නා නිසා මොකක් හරි විශේෂ දෙයක් සිදුවෙනකොට කොහෙන් හරි පොඩි දැනුම්දීමක් තවමත් වෙනවා.. අදත් ආවනේ එහෙම කෝල් එකක්.. අද පාර්ලිමේන්තුවේදී ආරක්ෂක, සංවර්ධන උපායමාර්ගික සහ ජාත්‍යන්තර වෙළද කටයුතු අමාත්‍යාංශයන්හි වැය ශිර්ෂ පිළිබද විවාදයේදී විමල් වීරවංශ මහතා කළ කතාව  අහන්නය කියල.. වීරවංශ මන්ත්‍රීවරයා කොහොමත් කතාවට දක්ෂ නිසා ඔහුගේ කතා අහන්න කම්මැලි නම් නෑ. ඒත් දැන් දැන් ඒ කතා අහන්න කියල කෝල් එන්නේ.. අර ඉංග්‍රීසියෙන් කියන්නේ for the wrong reason කියල.. අන්න එහෙම. ඒ කතාවේ මුල් බාගයේ අවසන් හරියේ තමයි ඔය ජාතික ආරක්ෂාව පාට් එක තියෙන්නේ.. එකෙත් ගොඩක්ම පුරුදු මැක්කා ස්ටෝරිය.. ඔය අතරතුර ජාතික ආරක්ෂාවට අදාළ ජෙෂ්ට නිලධාරීන් තුන් දෙනෙක් ගැන කියවෙනවා.. එක් අයෙක් යුධ හමුදා බුද්ධි අංශ ප්‍රධානි විදියට කටයුතු කල බ්‍රිගේඩියර් සුරේෂ් සැලේ.. ඒ වගේම හිටපු පොලිස් විශේෂ බළකා ප්‍රධානි නියෝජ්‍ය පොලිස්පති සරත්චන්ද්‍ර වත් එහිදී සඳහන් උනා.. තුන්වැනියා වත්මන් නාවික හමුදාවේ නැගෙනහිර නාවික ආඥාපතිවරයා වන රියර් අද්මිරාල් ට්‍රැවිස් සින්නයියා.. නමුත් විරවංශ මන්ත්‍රීවරයා එහිදී ඔහුගේ නමින් ඔහුව සඳහන් කිරීමක් කරන්නේ නෑ. මේක අහනකොටම මට මතක් උනේ හිටපු නාවික හමුදාපති අද්මිරාල් වසන්ත කරන්නාගොඩගේ 'අධිෂ්ඨානය' පොත.. එහි කීප තැනකම කපිතාන් ට්‍රැවිස්, කොමඩෝර් ට්‍රැවිස් ලෙස ඔහුගේ නම සඳහන් උනත් කොතැනකවත් 'සින්නයියා' කියන ඔහුගේ වාසගම සඳහන් වෙන්නේ නෑ.. සමහරවිට ඔහුගේ මේ දෙමළ සම්භවය නිසා ඔහුගේ වීරත්වයට අඩු ලංසුවක් ලැබේවියයි මේ මන්ත්‍රීවරයා හා අද්මිරාල්වරයා හිතුවද දන්නේ නෑ.. හැබැයි මටනම් එය ඔහුට වඩා වැඩි වටිනාකමක් එක් කරන සාධකයක්. මේ පෝස්ට් එකේ ඉස්සරහට මම 'රියර් අද්මිරාල් සින්නයියා' නැත්නම් 'සින්නයියා සර්' කියල නිතර කියන්නේ ඒ ගෞරවය පෙරදැරිවමයි..

රියර් අද්මිරාල් සින්නයියා ගැන ලිපියක් ලියන්න හුඟ දවසක ඉඳන් හිතාගෙන හිටියත් වැඩත් එක්ක ඒක අතපසු උනා.. නමුත් විමල් මන්ත්‍රීවරයාගේ මේ කතාව හෙට මාධ්‍ය වල පලවෙනකොට අඩන්න බලන් ඉන්න දේශප්‍රේමීන්ගේ ඇහැට ඇඟිල්ලෙන් ඇන්නා වගේ රට වෙනුවෙන් කිඹුල් කඳුලුත් එක්ක මේ විශිෂ්ට නිලධාරියාගේ අම්මා අප්පට පවා බැනුම් අහන්න සිදුවිය හැකි බව දන්නා නිසා යන්තමින් හෝ ඔහු පිළිබඳව සාධාරණයක් ඉටු කිරීමට මේ ලිපිය ලියා පලකිරීමට මීට වඩා සුදුසු වෙලාවක් නෑ..

ට්‍රැවිස් සින්නයියා සර් මට මුලින්ම හම්බවෙන්නේ 2000 වසරේ ජනවාරි මාසයේ.. පාස් අවුට් එකෙන් පස්සේ මගේ පලවෙනි ඇපොයින්මන්ට් එක විදියට වේග ප්‍රහාරක මුර යාත්‍රාවක දෙවන අණභාර නිලධාරියා විදියට ගියාම මට පැවරුණු මුල්ම රාජකාරි වලින් එකක් තමයි වර්ෂාවසනයේදී සිදුකලයුතු එහෙත් එතෙක් මගහැරී තිබුණු නැවියන්ගේ සේවා වාර්තා (Service Documents) අණදෙන නිළධාරියා ලවා සහතික කරවා ගැනීම.. මෙලෝ හසරක් නොදන්නා මම සේවා වාර්තා මිටියත් කර තියාගෙන අණදෙන නිලධාරියා මුණ ගැහෙන්න යනවා බලාගෙන හිටපු අනෙක් ජේෂ්ඨ සගයින් මගේ දිහා අවඥාවෙන් වගේ බලාගෙන හිටිය කියල පස්සේ හිතුන.. ඒත් මම ගියා ඉතින්.. එවෙලේ තමයි ඔහුව මුලින්ම දැක්කේ.. නියම නේවිකට් රැවුල.. ඇස දෙක උස්සල බැලුවම හයි බිම් ලයිට් එකක් ගැහුවා වගේ.. ඔක්කොමත් හරි ඒ ඉංග්‍රීසි හා ඇසෙන්ට් එක.. මගේ ඉස්සරහ හිටියේ අපිට ට්‍රේනින් කාලේ උගන්නපු නියම 'නේවි ඔෆිසර්' කෙනෙක්ගේ මොඩල් එකක් කියල මට හිතුනේ.. කොහොමහරි ඒ ටෙස්ට් එකෙන් ගොඩ ගිහින් SD ටික දුන්න සයින් කරන්න.. පළවෙනිම එක දිහා ටිකක් වෙලා බලාගෙන හිටපු ලොක්කා එකපාරටම මගෙන් මෙහෙම ඇහුව..

"who was your predecessor?' 

"Sub Lieutenant .... sir!"

මම කියනවත් එක්කම ලොක්ක මේසේ උඩ තිබ්බ බෙල් එකට දෙපාරක් තට්ටු කරා.. එතකොට ආවේ තවත් ඒ වගේම නේවි එකේ 'චරිතයක්'.. ඒ කාලේ ඩෝරා ස්කොඩ්රන් එකේ ට්‍රේනින් ඔෆිසර්.. එයා ගැන වෙනම ලියන්න  වෙන්නේ..

"YN, where is now that bloody sub lieutenant .....? ask that fucker to come and report me tomorrow morning"

"Aye aye sir!" කියල අපි දෙන්නම සැලියුට් එකක් ගහල එලියට ආව.. ආපු ගමන් YN සර් මගෙන් ඇහුව විස්තරේ.. මං වෙච්චි දේ ඒ විදියටම කියුව.. පස්සේ බැලින්නම් කලින් එකා ලොක්කගේ අස්සන හොරට ගහල තිබිල ඊට උඩින් තැනක.. ලොක්කට දැක්ක ගමන් මාට්ටු.. ඒ ලොක්ක කවදාවත් අත්සන නිල් පෑනකින් ගහන්නේ නැතිලු.. කලුපාට සයිනින් පෙන් එකක් විතරලු පාවිච්චි කරන්නේ.. අර උන්දා ලෙසටම අස්සන ගහල හැබැයි නිල් පෑනකින්..වැඩේ අතේ කෝට්. ඔන්න ඔහොමයි මගේ වෘත්තීය ජිවිතේ පටන් ගන්නකොටම ඒකට 'ට්‍රැවිස් සින්නයියා' සම්භන්ද උනේ.. ඒ කාලේ ජුනියර් ඔෆිසර්ස් ලා සින්නයියා සර් ලඟට යන්න බය හේතු දෙකකට.. පළවෙනි එක කඩ්ඩට.. මටනං ඒ කතා කරනවා අහං ඉන්න ආසයි.. දෙවෙනි එක ඔහුගේ දැනුම.. ඩෝරා ගැන, ඩෝරා එන්ජින් ගැන, වෙපන් ගැන, එල්ටීටීඊ එක ගැන, ට්‍රින්කෝ හාබර් එක ගැන, seamanship ද navigation ද මොනවගෙන් ප්‍රශ්ණයක් අහයිද දන්නේ නෑනේ.. ඒ හැම එකක් ගැනම ඔහුට තිබ්බේ අප්‍රමාණ දැනුමක්.. ප්‍රශ්ණයක් ඇහුවම ගොළුව කසාය බිව්වා වගේ හිටියොත්නම් 'මළ පනිනවා'. දන්නා විදියට උත්තර දුන්නොත් හිනාවෙලා ඒ සම්භන්දව වැඩිපුර තොරතුරු ඔක්කොම කියල දෙනවා.. මට සර් ව අල්ලලා ගියේ ඒ නිසා.. හැබැයි මම ඩෝරා වලට එකතු වෙලා ටික කාලෙකින් සර් වෙන තැනකට ට්‍රාන්සර් වෙලා ගියා.

1999-2000 කියන්නේ මුහුදු කොටි ක්‍රියාකාරකම් උපරිම මට්ටමක තිබ්බ කාලයක්.. ඒ කාලේ නාවික හමුදාවේ කොඳු නාරටිය වෙලා තිබ්බ වේග ප්‍රහාරක මුර යාත්‍රා බලගණය සින්නයියා සර් අතට පත්වෙන්නේ අහම්බයකින් නෙවෙයි.. ඔහු ඩෝරා ස්කොඩ්රන් එක පටන් ගත්ත මුල් කාලේ ඉඳල ඒකෙ වැඩ පෙන්නපු 'පොරක්' .. සින්නයියා කියන නම ඉස්සරහින් වීරත්වය මුලින්ම ලියවෙන්නේ 1987 වගේ ඈත කාලෙක.. එතකොට ඔහු ලුතිනන් වරයෙක්.. හරියටම කියුවොත් P 457 ඩෝරා යාත්‍රාවේ දෙවන අණබාර නිලධාරියා..

එදා දවස 1987 ඔක්තෝබර් 2 වෙනිදා.. ඒ අවුරුද්දේ ජූලි 29 ඉන්දු ලංකා ගිවිසුම අත්සන් කරලා ඒ වෙනකොට යාපනය අර්ධද්වීපය සේවා නූලට ගිනිතිබ්බ බෝම්බයක් වගේ තිබුනේ.. ලංකා හමුදාව, ඉන්දීය සම සාධක හමුදාව හා එල්ටීටීඊ ඇතුළු සන්නද්ධ කල්ලි අතුරින් කවුරු කවුරු එක්ක යුද්ද කරයිද කියල විශ්වාසයක් තිබුනේ නෑ. විශේෂයෙන්ම ඉන්දීය හමුදා හා ලංකා හමුදා අතර හොඳ හිතක් තිබුනෙම නෑ. අඩුම තරමින් උතුරු නැගෙනහිර ආරක්ෂාව සම්භන්දව දෙගොල්ල අතර සාකච්චාවක් වත් තිබුනේ නෑ. ඇත්තටම ඉන්දීය හමුදා වැඩිපුර ගනුදෙනු කරේ ත්‍රස්ත කණ්ඩායම් එක්ක. ඒ විශ්වාසය දඩමීමා කරගෙන එල්ටීටීඊය එදත් මහා පරිමාණයෙන් ආයුද හා පිරිස් බලය රැස් කරා. මේ සියල්ල කණපිට හැරුනේ නාවික හමුදාවෙන් මෙදින අත්අඩංගුවට ගත්ත 'kadalpura' කියන ට්‍රෝලර් එක නිසා.. ඒකෙ ගමන් ගත්තේ ඒ දවස්වල එල්ටීටීඊයේ ප්‍රබලම නායකයින් දෙපොළක් වූ කුමාරප්පා සහ පුලේන්ද්‍රන් ඇතුළු ප්‍රභල කොටි සාමාජිකයින් 18 දෙනෙක්.. අවි ආයුද හා තවත් යුද උපකරණ විශාල ප්‍රමාණයක් එක්ක වැල්වැටිතුරේ ඉඳල තමිල්නාඩුවට යන අතර P 457 ඩෝරා යාත්‍රාවෙන් detect කරලා තිබුන.. කුමරප්පා කියන්නේ ප්‍රභාකරන්ගේ මස්සිනා. පුලේන්ද්‍රන් තමයි කන්තලේ කිතුල්උතුව ප්‍රදේශයේ දී හමුදා හා සිවිල් වැසියන් ගමන් ගත බස් රථයක් නවත්වා ඔවුන් සියලු දෙනාවම අමු අමුවේ ඝාතනය කරේ. අපේ ආරක්ෂක හමුදාවන්ගේ බලය අඩපණ කරලා තිබුණු ඒ කාලේ මහා රෑ දෙකට විතර ගොඩ බිමින් ඉතා ඈත මුහුදේදී නාවික හමුදා යාත්‍රාවක් මෙතරම් සැලකිල්ලකින් ඉඳියි කියල කවුරුවත් හිතන්නේ නැති වෙලාවක මේ detection එක කරේ එදා ඒ යාත්‍රාවේ දෙවන අණභාර නිලධාරියා වූ අපේ කතා නායකයා. නාටකය එතනින් නතර උනේ නෑ. නවත්වන්න කියල එන දුන්නට ඔවුන් නතර නොකරම ඉන්දීය මුහුදු සිමාව දෙසට යාත්‍රා කරන්න උනා. ඒ මදිවට බෝට්ටුව වටේටම අවි අමෝරාගෙන නේවි යාත්‍රාවට අභියෝග කරා. තව ටිකක් එහාට ගිහිං ඔවුන් එදා ඉන්දීය මුහුදු සීමාවට ඇතුළු වුනානම් ඉන්දු ලංකා ගිවිසුම හා ඉන්දීය සම සාධක හමුදා පිලිබඳ ඉතිහාසය අදට වැඩ බොහෝ සෙයින් වෙනස් එකක් වීමට ඉඩ තිබුනා. නමුත්.. 

අවස්ථානුකුලව මේ අත්අඩංගුවට ගැනීමේ වැදගත්කම අවබෝධකරගත් එවකට ලුතිනන් සින්නයියා දෙවරක් නොසිතා ඩෝරා යාත්‍රාවේ සිට වේගයෙන් ගමන් කරමින් තිබු සතුරු යාත්‍රාවට අවි අමෝරාගෙන කඩා පැන්නා. ඔහු සමඟ ඔහුගේ සහයට පැමිණි නායක නැවි ප්‍රේමතිලක නම් වූ ඒ වීර නාවිකයින් දෙදෙනාට එල්ටීටීඊ සාමාජිකයින් දහ අට දෙනා ඇතුළු ඒ ට්‍රෝලර් යාත්‍රාව අත්අඩංගුවට ගෙන P 457 යාත්‍රාවේ අධීක්ෂණය යටතේ නැවතත් කන්කසන්තුරය වරාය වෙත යාත්‍රා කරවීමට හැකි වුවා. එහිදී අත් අඩංගුවට ගත් එල්ටීටීඊ ප්‍රබලයින් ප්‍රශ්ණ කිරීම සඳහා කොළඹට ගෙන ඒමට විරුද්ධත්වය පාමින් ඔවුන් සයනයිඩ් කා සියදිවි හානි කර ගැනීමත් සමඟ යාපනය අර්ධද්වීපය පුරා ත්‍රස්ත කැරලි කෝලාහල පටන් ගැනීමත් සමඟ ඉන්දීය සාම සාධක හමුදාව තමන් මෙතෙක් කිරිපොවා හුරතල් කර නාගයාගේ තරම අවබෝධ කරගනිමින් එල්ටීටීඊයට එරෙහිව යුධමය ක්‍රියාමාර්ග වලට එළබුනා.. ඉතිරිය ඉතිහාසගතයි.

එතැන් පටන් රණවික්‍රම, රණසුර වැනි යුද්ධයේදී දක්වන විශිෂ්ඨ දක්ෂතා වෙනුවෙන් ලබා දෙනු ලබන වීර පදක්කම් හා පළඳනා රැසකින් පිදුම් ලබමින් යුද්දයේදී මෙන්ම ඉන් පරිබාහිරව නාවික හමුදාවේ ඉතාමත් වැදගත් තනතුරු රැසක වගකීම් දරමින් වෙසෙසින්ම ශ්‍රී ලංකා නාවික හමුදාව කලාපයේ වෙනත් නාවික හමුදා අතර ඉහලින් ඔසවා තැබීමට සිය වියත් කථිකත්වය හා අප්‍රමාණ නාවික දැනුම නිසි ලෙස යොදවමින් දවසින් දවස නාවික හමුදාවේ ඉදිරියටම යාමට ට්‍රැවිස් සින්නයියාට හැකි උනා.. සාමාන්‍යයෙන් හමුදාවල career officers ලා කියා හඳුනා ගන්නා කොටසක් ඉන්නවා.. ඒ සිය දක්ෂතා, හැකියාවන් හා performance (merit) මත නාවික හමුදාවේ ඉදිරිපෙළ නායකත්වය සඳහා සුදුසුකම් පෙන්වන දක්ෂ නිලධාරීන්. පැහැදිලිවම ට්‍රැවිස් සින්නයියා යනු එකල එවන් career officer කෙනෙක්.. ඔහුගේ නායකත්ව ගුණාංග, දක්ෂතා හා 'වැඩ' ගැන දැනගෙන සිටි අපි කවුරුවත් ඒ ගැන අහිතකින් හිටියේ නෑ.. 

ට්‍රැවිස් සින්නයියා ගැන මීළඟ කතාව 1987න් හරියටම අවුරුදු විස්සකට පසේ ඒ කියන්නේ 2007 අවුරුද්දට අරගෙන යනවා.. මාවිල්ආරු සොරොව්ව මුදා ගැනීමෙන් ඇරඹි හතරවන ඊලම් යුද්දයේ උච්චතම අවධියේ.. ඉදිරියට ඇදෙන හමුදා සේනාංකවලට තිබුණු ලොකුම බාධකය උනේ නොනවත්වා ත්‍රස්තවාදීන් අතට පත්වන නවීන පන්නයේ බර අවි හා උන්ඩ සැපයුම.. මහා මුහුදේ නොදන්නා ප්‍රදේශයක සිට නොකඩවා මේ අවි ආයුධ ගොඩ බිමට ලැබෙන බවත් එම නැව් ඇති ඉසව්ව ශ්‍රී ලංකා නාවික හමුදාවේ ජලතරණ හැකියාවෙන් ඔබ්බට ගිය ජාත්‍යන්තර මුහුදු සිමාවේ එකක් බවත් යන්න දැන සිටීම හැර ඊට විසඳුමක් එතෙක් යෝජනා වී තිබුනේ නෑ. ඒ අතර මේ අපේ කතා නායකයා එවකට ලංකාව සතුවූ විශාලම නෞකාව වූ සයුර යාත්‍රාවේ අණදෙන නිලධාරී වරයා ලෙස පත්වී එනවා. එතැන් පටන් මෙතෙක් බොහෝ දෙනෙකුට නොහැකි වූ ජාත්‍යන්තර සහයෝගය හා නවීන තාක්ෂණයේ සහයෝගයද ඒ සියල්ල පරයා නැගී වීරත්වය කැටි කරගත් නාවික සගයන්ගේ සහයද ලබාගෙන ගෝඨාභය රාජපක්ෂ ආරක්ෂක ලේකම්වරයාගේ හා වසන්ත කරන්නාගොඩ නාවික හමුදාපතිවරයාගේ ඍජු අධීක්ෂණය යටතේ එතෙක් මෙතෙක් නාවික හමුදාව සිදුකල දැවැන්තම හා සාර්ථකම මෙහෙයුම් ගණනාවක් සැලසුම් කරමින් ඒ මහා වික්‍රමය එනම් එල්ටීටීඊ ජාත්‍යන්තර ආයුධ ජාවාරම් ජාලය විනාශ කිරීමේ මෙහයුම් ප්‍රධානියා වන්නේ, කරන්නාගොඩ මහතා සිය කෘතියේදී උපුටා දැක්වීමට මැලිවූ, එලෙසම විමල් විරවංශ මන්ත්‍රීවරයා අද පාර්ලිමේන්තුවේ හැන්සාඩ් වාර්තාවට නම ඇතුලත් නොකිරීමට ප්‍රවේශම් වූ ද්‍රවිඩ වාසගමක් සහිත මේ අභීත ලංකා පුත්‍රයායි.. ඔහුගේ සේවය කොතරම් උසස් කොට සැළකුවද යත් කරන්නාගොඩ මහතාම සඳහන් කරන පරිදි අවසන් සමයේ උසස්වීමක් ලබා නාවික හා සාගරික විද්‍යා පිඨයේ අඥාපති ව සිටි කොමදෝරු ට්‍රැවිස් සින්නයියා මෙම මෙහෙයුම් සඳහාම තාවකාලිකව ඒ ඒ අවස්ථාවන්වලදී ඒකාබද්ධ අණදෙන නිලධාරී වරයා ලෙස ප්‍රධාන නෞකාවට අනුයුක්ත කරනු ලැබුවා.. 

2009 මැයි  18 වෙනිදායින් පස්සේ සියල්ල කණපිට පෙරලුනා.. මැණික් පරයා දේශප්‍රේමී ලේබලය අලවාගත් ගොමරිටි යෙහෙන් වැජබුනු ඒ වකවානුවේ දක්ෂ නිර්භීත හා ඇත්තටම වැඩ පෙන්නපු නිලධාරීන්ට හමුදාව කලකිරවන සිදුවීම් එක පිට එක පෙළ ගැසුනා.. ඉතිහාසයේ නාවික හමුදාපති දූරයට පත්වූ අපකිර්තිමත්ම පුද්ගලයෙකු වූ හිටපු නාවික හමුදාපති සෝමතිලක දිසානායක සමය එහි කුටප්‍රාප්තියයි. නැගෙනහිර මුහුදේ සිදුවූ 'සිවිල් ඇඳුම් ඇඳගෙන ඩිංගි බෝට්ටුවකින් ගමන් ගත් නැවියන් සිවු දෙනෙකුගේ අතුරුදහන්වීම' යන සිදුවීම අරඹයා සෝමතිලක දිසානායක හා ට්‍රැවිස් සින්නයියා අතර ඇරඹි මත ගැටුම අවසන් උනේ 2011 වසරේදී ට්‍රැවිස් සින්නයියාට නාවික හමුදාවෙන් ඉල්ලා අස්වීමට බලකරමින්. ඒ වෙනුවෙන් එවකට පැවති දේශපාලන බල අධිකාරිය බලපෑම් කල බව ප්‍රසිද්ද රහසක්.. 

කනස්සලු සිතින් නාවික හමුදාව හැරගියද ඉතා දක්ෂ හා අත්දැකීම් බහුල නිලධාරියෙකු වූ ට්‍රැවිස් සින්නයියාට තවත් ඉතා  භාරදුර දූර වගකීමක් ලැබුනා.. ඒ ශ්‍රී ලංකාවේ ඇමෙරිකානු තානාපති කාර්යාලයේ ආරක්ෂක උපදේශකයෙකු ලෙස.. එවන් තනතුරකට ඔහු තරම් වෙනත් සුදුස්සෙක් එවකට ඇත්තටම හිටියේ නෑ කියන්න පුළුවන්.. ඔහුගේ තානාපති කාර්යාලයේ භූමිකාව කුමක්ද යන්න හෙළි නොවූ කතාවක් වුවද ඔහු ගැන දන්නා ඕනෑම පුද්ගලයෙකු එම අවස්ථාව දෙරටටම හානියක් නොවන ලෙස ඉතා මැනවින් කළමනාකරණය කර ගැනීමේ සුවිශේෂ හැකියාවක් ඔහු සතු බව පිලිගන්නවා. මේ සඳහා හොඳම උදාහරණය වන්නේ තානාපති කාර්යාලයේ සේවය නිමා කරන ඔහු සිය පවුල සමඟ පදිංචියට යන්නේ ඇමෙරිකාවට නොව වෙනත් යුරෝපිය රටකටයි. විරවංශ මන්ත්‍රීවරයා අමතක කල නමුත් අපි සියලු දෙනා දන්නා සත්‍යයක් නම් ට්‍රැවිස් සින්නයියා ඇමෙරිකානු තානාපති කාර්යාලයේ සේවකයෙකුව සිටියා පමණක් වද්දී, පසුගිය රජයේ ආරක්ෂක ලේකම්වරයා ඇමෙරිකානු පුරවසියෙකුව සිටි බව එමෙන්ම ෆීල්ඩ් මාෂල් සරත් ෆොන්සේකා ඇමෙරිකානු ග්‍රීන් කාඩ් හිමියෙක් බව.. එසේම සේවයේ සිටියදීත් හමුදා නිලධාරීන් වෙනත් රටවල තානාපති කාර්යාල සඳහා Defence Advisors ලා විදියට අනුයුක්ත කරන බව.. 

යහපාලන රජය (දැන්නම් ඇති යහපාලනයක් නැති වුවත්) පත් වූ අලුත සිදුවූ එක් වැදගත් ක්‍රියාමාර්ගයක් වුයේ පසුගිය රජය සමයේ දේශපාලන පලිගැනීම් වලට ලක්වූ නිලධාරීන් නැවත සේවයේ පිහිටුවා ඔවුන්ට හිමි වැටුප්, උසස්වීම් හා අනෙකුත් වරප්‍රසාද නැවත ලබා දීමයි. මාගේ දැනුමේ හැටියට එවන් ත්‍රිවිද හමුදා නිලධාරීන් 50 කට ආසන්න පිරිසක් නැවත සේවයේ පිහිටවූ අතර ඔවුන් වැඩි පිරිසක් නව තනතුරේ වැඩ බාරගත් දිනම නැවත විශ්‍රාම ගන්වනු ලැබූ අතර ඉතාමත් සීමිත පිරිසක් නැවත සේවයේ යොදවනු ලැබුවා. ඒ ඔවුන්ගෙන් ලාබගතයුතුම වූ එහෙත් ලබා ගත නොහැකි වූ සේවය ලබා ගැනීම වෙනුවෙනුයි. ට්‍රැවිස් සින්නයියා යනු එවන් නාවික හමුදාව තුල සිටිය යුතුම නිලධාරියෙකු ලෙස නාවික හමුදාව හඳුනා ගෙන සිටියා. 

දෙවෙනි ආගමනයත් සමගත් රියර් අද්මිරාල් සින්නයියාගේ නාවික ගමන එතරම පහසු එකක් උනේ නෑ.. ඔහුව නැගෙනහිර ආඥාපතිවරයා ලෙස නම් කර සිටියදී සාම්පුර් පාසලක උත්සවයක් අවස්ථාවේ නැගෙනහිර මහා ඇමතිවරයා විසින් ප්‍රොටෝකෝල් ප්‍රශ්නයක් මුල් කරගෙන එහි සිට නාවික කපිතාන්වරයාට බැන වැදීමත්, නැගෙනහිර මහා ඇමතිවරයා මුස්ලිම් ජාතිකයෙකු වීම හරහා ඇතිවුණු කැළඹීමත් එවකට මාරුවී යාමට නියමිතව සිටි නැගෙනහිර නාවික ආඥාපති වරයා ප්‍රමුඛ හමුදා ප්‍රධානින් සිංහලයින්ගේ ප්‍රමෝදයට හේතුවූ මහා ඇමතිවරයාට හමුදා කඳවුරු වලට ඇතුළුවීම තහනම් කරමින් දුන් තීන්දුවත් නිසා වැඩ බාර ගන්නා අවස්ථාව වෙද්දීම නව ආඥාපතිවරයාගේ පුටුව රත්වී තිබුනා.. එලෙසෙම නාවික හමුදාවේ මාරුවීම් ක්‍රමවේද පිලිබඳ නොදන්නා බොහෝ දෙනා මේ මාරුවීම සාම්පුර් සිදුවීමේ ප්‍රතිපලයක් ලෙස හුවා දැක්වීමත්, නාවික හමුදා මුලස්ථානයේ තීරණයක් අනුව යමින් නැගෙනහිර මහා ඇමතිවරයාට දිවා ආහාරය සඳහා නාවික තටාකාංගනයට ආරාධනා කිරීම නව ආඥාපතිවරයාගේ කලපරිච්චේදය ආරම්භයේදීම සිදුවීමත් යන ඒවා මේ පෑරෙමින් තිබු තුවාලයට ලුණු වත්කිරීමක් වගේ උනා....

නමුත් දැන් ත්‍රිකුණාමලය ප්‍රමුක නැගෙනහිර නාවික පෙදෙසේ තත්වය බොහෝ වෙනස්.. යුද්දයෙන් පසු වැටි තිබු හමුදා සාමාජිකයින්ගේ මානසික මට්ටම හා හමුදා සුදානම නැවත ඇති වෙමින් තිබෙනවා. ඒ වගේම අවශ්‍ය යුද උපකරණ මිලදී ගැනීම්, යාත්‍රා අලුත්වැඩියා කටයුතු, පුහුණු කටයුතු මෙන්ම නැවියන්ගේ හා නිලධාරීන්ගේ සුභ සාදන කටයුතුද ඉතා විධිමත්ව හා ඉහල විනිවිද භාවයකින් සිදුවන බව එහි සිටින ජෙෂ්ට කනිෂ්ඨ නිලධාරීන් සියලු දෙනා සාක්ෂි දරනවා.. දැන් ඔවුන්ට නියම මිලිටරි නායකත්වයක් ලැබී ඇති බව එහි අවසන් කියවීමයි.. මේ සියල්ල දක්ෂ අවංක, එඩිතර හා දැනුවත් නිලධාරියෙකුගේ මඟ පෙන්වීමේ ප්‍රතිපලයි. 

Photo credit goes to Sri Lanka Navy official website

හැම වැරද්දටම ගෙදර තියෙන දේශපාලන මුව හැමට තඩි ගහන කට වාචාල දේශපාලකයින් කුමක් කීවත්.. ඔබ ගැන දන්නා, ඔබ යටතේ වැඩ කර ඇති වෙනත් බොහෝ දෙනෙකු මෙන්ම මගෙත් ප්‍රාර්ථනය ට්‍රැවිස් සින්නයියා ඉදිරි දිනකදී නාවික හමුදාවේම අණ දෙන්නා වනු දැකීමයි.. 

BZ Sir! Keep up the good work.. you'll get what you deserve.   

අපි හදනවා මෙගා වොට් 300 ක ස්වභාවික වායු බලාගාරයක්... The Coal War

Photo Courtesy www.google.com

අපි හදනවා මෙගා වොට් 300 ක ස්වභාවික වායු බලාගාරයක්... මේකට බෝඩ් එකක් දානවා "300MW LNG Plant " හැබැයි අපි මේක දුවන්නේ ඩීසල් දාල.... අඩුම ගානේ ඊළඟ අවුරුදු 10 ට වත් ......මොකෝ අපිට කිසිම ඕනෙකමකුත්  නැහැ සැලසුමකුත් නැහැ  ස්වභාවික වායු භාවිතයට ඕනේ කරන යටිතල පහසුකම් හදන්ඩ... කලින් හදපු කෙරවලපිටියටත් තියෙන්නේ මේ කතාවම තමා .... කවුරුත් කෑ ගැහුවේ නැහැ නේ..... මේකටත් පරිසරවේදියෝ කෑ ගැහුවොත් අපි පෙන්නනවා LNG බෝඩ් එක....

කෙරවලපිටිය හදන  unit  එකකට Rs. 45.75 ගෙව්වා........... නොරොච්චෝලේ unit එකකට වියදම් වුනේ Rs 7.63.... (Source - PUCSL 2015 Generation Performance)

කවුරු හරි ඇවිත් කෑගහුවොත් ගණන් වැඩි..... Power Mafia  කියල අළුත් Plant  එකට .... අපි පෙන්නනවා ඒ ගොල්ලොන්ටත් බෝඩ් එක.... මේක LNG වලින් දුවපු දවසට අපි ලාබෙට දුවනවා (වරහන් ඇතුලේ අපි දන්නෙත් නැහැ කවද්ද එහෙම දුවන්ඩ පුළුවන් දවස….).......කෙරවලපිටිය යුගදනවී එක අවුරුදු 8ක්  දිව්වේ..තව එකක් දිව්වහම මොකෝ?

6 ගුණයක් වියදම් කරලා ඩීසල් බලාගාරයකින් විදුලිය හදන වෙලාවේ.... ඒ සල්ලි වලින් කොටසක් වියදම් කරලා පරිසර දූෂණය අඩු කරලා දුවන්ඩ පුළුවන් ගල් අඟුරු බලාගාරයක් හදමු කියන පරිසරවේදියෝ අපිට නැහැ.... ඉන්නේ කරන්ඩ යන project එකේ වැරදි පෙන්නලා ඒක නතර කරන අය විතරය්......පරිසරේ ගැන කතා කරන අය  කතා කරන්නේ පරිසරේ ගැන විතරය්…. විදුලිය හදන අය කතා කරන්නේ විදුලිය ගැන විතරය්….. අනික් එක්කෙනා කියන දේ කොහොමත් අහන්නේ නැහැ…. ඉන්දියාවෙන් ගෙන්නලා තමා අපි සාම්පුර් වලටත් පාරිසරික ඇගයීම් වාර්තාව (EIA ) එක හැදුවේ….. ඒක වැරදි නම් ඒක අපේ අවුලක් නෙමෙයි  කොහොමත් එතකොට…….ලංකාවේ පරිසරවේදියෝ EIA එක පතුරු ගහද්දි අපි ඒවා ගණන් ගන්නෙම නැහැ….. ඒවාට උත්තර දෙන්නෙත් නැහැ…..නඩු දැම්මොත්? ගල් අඟුරු එක හදන්නේ නැතුව අපි LNG බෝඩ් දාල ඩීසල් plant දුවනවා…… ඒක ඉක්මනට හදන්දත් පුළුවන්…. පරිසර වෙදියොත් කට වහන් ඉන්නවා…. නඩුත් නැහැ….

හැබය් කවුරුත් අමතක කරන දේ තමා ස්වභාවික වායු කියන්නෙත් තවත් එක් පොසිල ඉන්ධනයක් (Fossil  Fuel ).... ගල් අඟුරු වලට වැඩිය පරිසර දූෂණේ අඩු වුනත් නිසියාකාරව භාවිතා  කරේ නැත්තන් මේකෙනුත් විශාල පරිසර දූෂණයක් සිදු වෙන්ඩ  පුළුවන් බව….. LNG වල තියෙන ප්‍රධාන සංගටයක  මීතේන් (CH 4) වායුව කිලෝ එකක් වායු ගෝලයට මුදා හැරියොත් එකෙන් කාබන් ඩයෝක්සය්ඩ්  කිලෝ 34 මුදා හැරිය හා සමානයි  ගෝලීය උණුසුම වැඩි කිරීමට දෙන දායකත්වය……ගල් අඟුරු දහනයේදී 200kg කාබන් ඩයෝක්සය්ඩ් මුදා හැරෙද්දී එම බලශක්තියම ලබා දෙන්ඩ LNG වලින් නිකුත් වෙන්නේ 117kg …. හැබය් Diesel වලින් කරද්දී 161kg මුදා හැරෙනවා….. ගල් අඟුරු වල දහනයේදී නිකුත් වෙන අහිතකර විෂ ද්‍රව්‍ය පරිසරයට මුදා නොහැර  පාලනය කරන්ඩ පුළුවන් තාක්ෂනේ දියුණු වෙලා තියෙනවා ලෝකේ…මොකද ගල් අඟුරු ටික ලිපකට දාල ගිනි තියනවා නෙවෙය් නේ….(Controlled Combustion in a controlled environment with emission control technologies - Not open air burning).. ඒක  නේ මෙච්චර දියුණු ජර්මනිය තවමත් විදුලියෙන් 44% ගල් අඟුරු වලින් හදන්නේ…(Source  - EIA (International Energy Agency ) ) එහෙ පරිසරවේදියෝ නැද්ද? ඉන්නවා! ලෝකෙම ගත්තොත් තාමත් 40% වැඩිය්  ගල් අඟුරු විදුලිය නිෂ්පාදනය …පරිසර දූෂණේ නැති කරන්ඩ බැහැ සුළන්(Wind ) විදුලි බලාගාරයක් හැදුවත් සූර්ය ශක්ති (Solar ) බලාගාරයක් හැදුවත්….…. පාරිසරික බලපෑම පාලනය කරන්ඩ/අඩු කරන්ඩ තමා  පුළුවන්…....

අපි හදන බලාගරේ නම ස්වභාවික වායු බලාගරේ  …..පොඩි Sustainability ගතියක් නමේ තියෙන හින්ද වැඩිපුර ගානක් ගෙවල කට වහන් ඉමු……අපි හැබය් දුවන්නේ ඩීසල් වලින්……. ලස්සන නමක් තියෙන පරිසර හිතකාමී බෝඩ් එක දිහා බලල අපි සැනසෙමු!

සල්ලි??? ඒක ප්‍රශ්නයක් නැහැ…. අනික් එක මෙච්චර ලෝකෙට Renewable ගැන කියල දෙන Germany  ය 44% විදුලිය හදන්නේ තාමත් ගල් අඟුරු වලින් (Source - EIA) ….. හා හා… ඒක  ගැන කතා කරන්ඩ එපා…..ජර්මනිය 31% විදුලිය හදන්නේ පුනර්ජනනීය ශක්තියෙන් නේ (Source  - EIA ) …. එක විතරය් කතා කරන්නේ….. ජර්මනිය ඔය තත්වෙට ආවේ මොන බලශක්තිය පාවිච්චි කරලද? එකත් කතා කරන්ඩ එපා…. ලංකාවේ දැනට පුනර්ජනනීය විදුලිය නිෂ්පාදනය 11%..(2015 මහ බැංකු වාර්තාව).. ඇත්තට? Pump Storage, Battery  Storage  දාන්නේ  නැතුව සීමාවක් නැතුව Solar , Wind  දැම්මහම අපේ ජාතික විදුලි පද්ධතියේ Stability එක අඩු වෙනවා.....  අවුරුද්දෙන් බාගයක් විතර හුලන් නැති වෙලාවටයි .... වහින්නේ නැති කාලෙටයි.... ඉර නැති වෙලාවටයි.... ඒක අපිට ප්‍රශ්නයක් නැහැ.... Storage  දාන්ඩ සල්ලිත් නැහැ.... හැබයි අපිට පැය 24ම දවස් 365ම අඛණ්ඩව විදුලිය දෙන්ඩ ඕනේ.....අපිට කරුවලේ ඉන්ඩත් බැහැ .... FAN AC  දිගටම දාගෙන ඉන්ඩත් ඕනේ......

අපි ඉතින් අර මුලින් කියපු වැඩේ කරලා….. ඩීසල් වලට 6 ගුණයක් ගෙවල…. ආණ්ඩුවට බැන බැන ඉමු! ඒක කොහොමත් ලේසියි!

ප. ලී - දන්න  සිංහලෙන් ලිව්වා … ඔබ සැමගේ දැනුමට/වින්දනයට … සංවාදයට විවෘතයි!

*****************************************

Photo Courtesy www.google.com

හෝව්..හෝව්.. හෝව්.. මේකට අද මොනවා වෙලාද කියල අහන්න කලින් මේ ටික කියවල ඉන්ඩ ලා.. මාත් එක්ක පහු ගිය කාලේ චැරිටි වැඩ කරපු උන්දලා නම් දන්නවා නදීර විජේසිංහ කියන මගේ මිත්‍රයා ගැන. දැනට කටාර් වල විදුලි ඉංජිනේරුවෙක් විදියට වැඩ කරත් නදීර හැමදාම වෙනස් විදියට අලුත් විදියට හිතන  'රටට ජාතියට හිත ඇති' තරුණ ඉංජිනේරුවෙක්.. හොල්සිම් සමාගමේ වගේම MAS ආයතනයේත් සේවය කරද්දී Sustainable Energy සම්භන්දයෙන් ක්‍රියාකාරීව මැදිහත්වෙලා කටයුතු කල ඒ ගැන මනා අවබෝධයකින් ඉන්න කෙනෙක්. මේ සටහන මම දැක්කේ නදීර ගේ ෆේස්බුක් වෝල් එකේ.. කියවපු ගමන් මට හිතුනේ මේ ගැන කතාකරන්න හොඳම තැන බ්ලොග් අවකාශය කියල.. දන්නා තරමින් බ්ලොග් එකක් නොලියුවට නදීර බ්ලොග් පාඨකයෙක් ගොඩක් කල් ඉඳල. ඒක නිසා මම ඔහුගෙන් ඒ ගැන අහනකොටම බොහොම කැමැත්තෙන් මේක මට දුන්න බ්ලොග් එකේ දාන්න කියල. ඒ වගේම මේ ගැන වැඩිපුර කතා කරන්න කැමති කෙනෙකුට මෙතනම ඔහු සමඟ සංවාද කරන්න පුළුවන්. තවත් එහා ගිහිං තාක්ෂණික කරුණු ආදිය කතා කල යුතු වේනම් ඔහුගේ පෞද්ගලික ඊමේල් ලිපිනය nadeerawije@gmail.com මගින් ඔහුව අමතන්නත් පුළුවන්.

 මේ ඔබේ ප්‍රශ්න හා ගැටළු නිරාකරණය කර ගැනීමේ හා අදහස් උදහස් යෝජනා චෝදනා ගෙන ඒමේ වාරයයි. පිළිතුරු ලබා දීම සඳහා මෙතැන්සිට මෛක්‍ර ෆෝනය බාර දෙනවා මා මිත්‍ර නදීරට. ස්තුතියි!

Beyond the Call of Duty- කමාන්ඩර් ලලිත් එදිරිසිංහ හා P418 මතකය- 'කම්මල'ගේ විශේෂ ඉල්ලීමක් ඉටු කිරීමකි.

ඔය මගුල් ලිය ලිය ඉන්නේ ලියපිය අර ඩෝරා කතා.. මේ පහුගිය කාලේ පුරාවටම මම පොස්ට් එකක් දාන දාන සැරේට 'ඇනොපිලිස්' හෙවත් මුද්දාගෙන් එන තර්ජනයක්.. ඒකටම පොහොර දානවා 'කම්මල'යා 'ඕකට මම අපේ ලලිත් එදිරිසිංහ ගැන ලියන්න කියුව තාම ඒක ලියුවෙත් නෑ' කියල.. හැමදාම ඔහොම බැනුම් අහන්න බෑනේ.. ඔන්න ලියනවා.. හැබැයි ඊළඟට බනින්න එපා ඉංගිරිසි- සිංහල කලවමේ ලියුවයි කියල.. ඇත්තටම මේක දැන් මම ලියන්නේ පරණ රිපෝර්ට් එකක් බල බල.. ඒ කාලේ මේ වගේ සිද්දි බර ගානක් වෙච්චි නිසා දැන් අවුරුදු දහයකට පස්සේ සමහර තැන් හා පුද්ගලයින් පැටලෙනවා.. රිපෝර්ට් එක කියවද්දී හිතුන සමහර ඉංග්‍රීසියෙන් තියෙන කොටස් එහෙමම තිබ්බනම් හොඳයි කියල.. 

This is a story that proves the worth of the men in blues – the officers and men of the Sri Lanka Navy’s premier fighting force, the Fourth Fast Attack Craft (FAC) Flotilla which is based in Trincomalee.

Late Commander ELP Edirisinghe 

ලුතිනන් කමාන්ඩර් ලලිත් ප්‍රසන්න එදිරිසිංහ (මැරුණට පස්සේ කමාන්ඩර් උනා) කියන්නේ වේයන්ගොඩ බණ්ඩාරනායක පාසලෙන් බිහිවුණු, පසුව intake 12- KDU එකේ හිටපු 'සද්දේ අඩුම' නිලධාරියෙක්.. අපි ඇකඩමි ගිය අලුත තමයි KDU 12 එකයි ඇකඩමියේ 24th Intake එකෙයි පාස් අවුට් එක තිබ්බේ.. අනිත් එවුන්ගෙන් තිබ්බ අවනඩු එක්ක බැලුවම එදිරිසිංහ සර් දෙයියෙක් වගේ ඒ කාලේ.. පස්සේ අපිත් පාස් අවුට් වෙලා ඩෝරා වලට ගියාමත් එකට කාල බීල හිටිය අපේම සහෝදර නිලධාරියෙක් විදියට අපි අතර ලොකු හිතවත්කමක් තිබුන.. 2006 දී P 418 ඩෝරා එකේ OIC වෙලා එද්දී සර් බැඳලා.. ලස්සන පොඩි එවුන් දෙන්නෙකුත් හිටිය.. One of the officers who was commanding a top of the line FAC was Lieutenant Commander Ediripulige Lalith Prasanna Edirisinghe. A seemingly calm & quiet character, married and with two very young children

2006 අප්‍රේල්- මැයි කියන්නේ සංක්‍රාන්ති කාලයක් වගේ.. නේවි එකටත් දරුණු කාලයක්.. දිගම්පතනේ බෝම්බෙ පුපුරුවල, හාබර් එන්ට්‍රන්ස් එකේදිම P 476 ඩෝරා එක බ්ලාස්ට් කරලා කොටි තුන්වෙනි ඊලාම් යුද්දෙට සිග්නල් දීල තිබ්බේ.. දිනය හරියටම 2006 මැයි 11 වෙනිදා.. On May 11, 2006, P 418 was assigned to patrol the seas off the terrorists dominated coastline of Chalai in the North-eastern coast of Sri Lanka. 418 crew comprised 18 men including one signalman from Sri Lanka Army..

MV Pearl Cruise ii

ඒ වෙනකොට Pearl Cruise ii නැව ත්‍රිවිධ හමුදා/ පොලි සාමාජිකයින් 710ක් අරගෙන ට්‍රින්කෝ ඉඳල KKS යන්න පිටත් වෙලා.. චලෙයි/ මුලතිව් ඉස්සරහා මුහුදේ පැට්‍රොල් එකේ තිබ්බ P 418 ඩෝරා එකට මේ පණිවුඩේ ලැබුනම ලලිත් තමන්ගේ කණ්ඩායම සුදානම් කරලා සීරුවෙන් හිටියා.. ටික වෙලාවක් යනකොට they sensed that the terrorists were up to something.

The Sea Tigers were observed by the patrolling FACs to be gathering off the coastline of Vettilaikerni, a fishing village at the coastline since mid afternoon. They observed terrorist fibre glass boats fitted with medium calibre and lethal weapons gathering very close to the coastline about 50-100 meters from the shoreline and also the presence of at least four suicide craft. These, distinguishable from their features, had been the most lethal weapon the terrorists used and the Navy has good experience in encountering them in earlier confrontations... 

Since the terrorists’ intentions were hostile, the patrolling FACs requested re-enforcements and another two FACs arrived at the location. Having assessed the tactical picture they decided to form a barrier at a distance of 5 nautical miles from land.. සාමාන්‍යයෙන් එක තමයි කරන්නේ මේ වගේ වෙලාවට.. ඩෝරා ටික ඉස්සරහට ඇවිත් LTTE බෝට්ටු ටිකට එන්ගේජ් වෙනවා.. Main Body එක, මෙතැනදී නම් පර්ල් කෘස් නැව පුළුවන් තරම් ගොඩ බිමින් ඈතට ගන් බෝට් වල ආරක්ෂාව යටතේ යාත්‍රා කරලා නියමිත වරායට ආරක්ෂිතව ගෙනියනවා.. මෙතන තිබ්බ මරාගෙන මැරෙන කොටි බෝට්ටු 4 තමයි ලොකුම ඩේන්ජර් එක.. උන්ගේ ට්‍රයි එක කොටි බෝට්ටු වලට මුවා වේවි ඇවිත් කොහොම හරි නේවි ඩිෆෙන්ස් ලයින් එක ක්‍රොස් කරලා මේන් බොඩි එකට ඇටැක් කරන්න. 

The ferry was escorted by another two FACs and one Fast Gun Boat. They were about 25 miles from the terrorists gathering which by now had increased to 16 attack craft and 4 suicide boats.

FACs could only observe the grouping and report since attacking the terrorist boats that close to the shoreline could hurt innocent fishing folks of the hamlets along the coast. The SLN has to look after all Sri Lankans.

අපේ අය ලෑන්ඩ් එකේ ඉඳල මුහුදු සැතපුම් 5-6ක් විතර තියාගෙන ලයින් එකක් ගහල බලාගෙන හිටිය කොටි බෝට්ටු වල හැසිරීම දිහා.. ටික වෙලාවකින් උන් පටන් ගත්ත ඇඩ්වාන්ස් කරන්න.. කොටින්ගේ attack craft එක දෙක ඉස්සරහට ඇවිත් රවුන්ඩ්ස් කීපයක් ෆයර් කරලා හරවනවා.. ඒ අතරට අනිත් බෝට්ටුත් එක්ක සුවිසයිඩ් බෝට්ටු හතර ඉස්සරහට එනවා.. උන්ගේ අරමුණ ඩෝරා එක්ක ගහගන්න එක නෙවෙයි.. කොහොම හරි රිංගල පර්ල් කෘස් නැව ගාවට සුවිසයිඩ් ක්‍රාෆ්ට් එකක් ගෙනියන එක.. ඩෝරා හතරයි.. කොටි බෝට්ටු ඔක්කොම විස්සක්.. 

The terrorists made the first move by speeding towards the passenger ferry. Having realised the gravity of the situation the four FACs single- handedly decided to confront the Sea Tigers without waiting for further re-enforcements.

Against overwhelming numbers of terrorist boats fitted with wide variety of weapons such as 23mm, 14.5mm and supported by terrorists’ ubiquitous suicide boats, the balance of power favoured the Tigers.

Undeterred, the men in blues took up their position, donned their body armour and allowed terrorists to approach from land. එදා නේවි එක කලෙත් පුළුවන් තරම් කල් මරණ එක.. පිස්සෝ වගේ ගහගන්න ගියානම් උන්ගේ එකෙක් ඉක්මණින්ම වට පනිනවා.. ඒක නිසා බොහොම සීරු මාරුවට ට්‍රින්කෝ වලින් තව ඩෝරා එනකම් හා පර්ල් කෘස් නැව ආරක්‍ෂිත ස්ථානයකට යාත්‍රා කරනකම් කොටි බෝට්ටුත් එක්ක සෙල්ලම් කිරීමක් තමයි වැඩිපුර උනේ.. හරියට රගර් මැච් එහෙක වගේ.. ඒත් මේ වෙනකොට කොටි බෝට්ටු ටික පර්ල් කෘස් නැවට බොහොමත්ම ආසන්න වෙලා තිබ්බ.. ඒ එක්කම..

One of the FACs, P 497 commanded by Lieutenant Lakshitha Ratnatilake reported over the radio that whilst revving up to combat speed, one of his main engines had stopped. මෙහෙම වෙලා ස්පීඩ් එක ඩ්‍රොප් වෙනවා දැකපු ගමන් ටෙරා දන්නවා එන්ජින් ට්‍රබල් එකක් කියල.. ඒ වෙලාවට ඔක්කොම කොටි බෝට්ටු එක සැරේට ඒ දිහාට හරවනවා ෆයිනල් ඇසෝල්ට් එකකට.. අන්න ඒ වෙලාවට තමයි එකට අඩිය පුඩිය ගහල වැටිලා ඉඳල කරට අත දාගෙන යුද්දෙට ආපු තමන්ගේම සහෝදර නිලධාරියා/ සහෝදර නැවියා වෙනුවෙන් අනිත් උන්ගේ මයිල් කෙලින් වෙන්නේ.. කෙලින්ම මොළේ සෙන්සර් ඕෆ් වෙලා ජිවත් වෙනවා මැරෙනවා පේන්නේ නෑ ඉතිං.. 'උගේ අම්මට..' කියල ඕඅයිසී ගේ කටින් පිටවෙනකොට කොල්ලෝ තමන්ගේ අතේ තියෙන වෙපන් වලින් 'නෙලනවා නෙලිල්ලක්'.. ආයි ලොවෙත් නෑ. එක්කෝ උන්..එක්කෝ අපි.. 

The most senior officer on the scene, Commander Edirisinghe who was just 1,500m away from his mate promptly responded and manoeuvred his craft between the approaching cluster of terrorist boats and the troubled P 497. Proving his valour and outstanding officer qualities, he engaged the terrorists cluster in order to give his mate time to get the engine re-started.. රත්නතිලකට පුළුවන් උනා 418 එකේ කවරින් ෆයර් එක නිසා විනාඩි 2ක් යන්න කලින් 497 එකේ එන්ජින් ආයෙම ස්ටාර්ට් කරන්න.. ඒත්.. විනාඩි දෙකක් කියන්නේ යුද්දෙදි මහා ලොකු වෙලාවක්.. ඒ විනාඩි දෙකේදී කොටින්ට පුළුවන් උනා උන් ගෙනාපු ලොකුම සුවිසයිඩ් ක්‍රාෆ්ට් එක පර්ල් කෘස් නැව ළඟටම ගන්න නේවි ඩෝරා මග ඇරලා.. 

Having succeeded in getting his engine going in less than two minutes, Ratnatilake informed his superior officer, Lalith Edirisinghe, that he was ready for action once again. By this time Edirisinghe had spotted an unusually big suicide boat emerging from the terrorists cluster. With his experience he knew what the big suicide boat was meant to do.

මම කලින් කියුව වගේ.. ලලිත් එදිරිසිංහ කියන්නේ බොහොම නිවුණු, සාමකාමී නිහඬ නිලදාරියෙක්.. ඒ වගේම ආදරණිය සැමියෙක්.. දෙදරු පියෙක්.. තමන්ගේ ඩෝරා එකේ ඉන්න 18 දෙනෙක්ත වූ තම නැවියන්ගේ වගකිවයුතු භාරකරු.. රටේ තිබ්බේ මොන ක්‍රියාව මොන විදියට නිර්වචනය කරයිද කියන්න බැරි දෙබිඩි දේශපාලන වාතාවරණයක්.. 

A seemingly calm & quiet character, married and with two very young children, he had all the reasons to live rather than risking his life in a highly demanding environment where national security has gone to dogs due to foreign advice and pressure made possible by corruption, incompetence and lack of action by the authorities.

Similar type of craft to P 418

Being the Officer-In-Command of P 418, he was responsible for the lives of 18 men. His decision was sure to affect the fate of the Pearl Cruise ii, the 710 men on board, the other FACs. They all depended on each other.

හසලක වීරයා කෝප්‍රල් ගාමිණි කුලරත්න සමහරවිට එදා අලිමංකඩ දී ගත්තේ තමන්ගේ ජිවිතේ අමාරුම හා අවසාන තීරණය වෙන්න ඇති.. ඒත් ඒ නිසා අලිමංකඩ කඳවුර ආරක්ෂවෙලා තව සිය ගානක් තමන්ගේ සෙබළුන්ගේ ජිවිත හා පොදුවේ යාපනය අර්ධද්විපයේ ආරක්ෂාව තහවුරු උනා.. හසලක ගාමිණී කුලරත්න වීරයෙකු ලෙස තමන්ගේ යුතුකම ඉෂ්ඨ කරලා සමුගත්තා.. 

710ක් හමුදා සාමාජිකයින් එක්ක පර්ල් කෘස් නැව එදා මුහුදුබත් උනානම් සමහරවිට අද මේ කියන කතන්දර බොහොම වෙනස් වෙන්න තිබුනා.. 'අවසන් සටනට නේවි එකෙන් දක්වපු දායකත්වය 5% කට අඩුයි' කියපු අයට සමහරවිට විරුවෙක් නොවීම හමුදාවෙන් සමුගන්න වෙන්නත් තිබ්බ.. ඒත් ඒ වෙනුවට බොහොම නිහඬ, තැන්පත් මනුස්සයෙක් වෙච්චි 'ලලිත් එදිරිසිංහ' ඒ කැපවීම කරා.. 

Whilst Ratnatilake was pulling out, he observed that his senior officer was heading straight for this large suicide boat dodging several terrorists attack craft. Before he could speak over the radio, there was a crackling in the communication set and a huge explosion was observed some 1,500m away from him. As the smoke cleared he could not see P 418 – not even its pieces.

ඒ අභීත නැව්පතියා කිසිම චකිතයක් නැතුව තම යුතුකම මව්බිම වෙනුවෙන් ඉටුකරා.. 

It was Lalith Edirisinghe, being the senior officer in the theatre of operation, who grasped the developing situation and decided to sacrifice his life and those of 18 of his men in order to ensure that the Pearl Cruise 11 with 710 on board was safe.

මතක් වෙනකොට ඉඳගෙන ඉන්න බෑ.. හිටගෙන සැලියුට් කරන්නත් බැරි නිසා මම රවුමක් ඇවිදලා ආව මේ ටික ලියන්න කලින්..

"Respect You Sir!"

****************************************************

However terrorists seemed reluctant to press further despite the presence of the three smaller suicide boats. Three remaining FACs placed a barrier between the coast and the ferry and waited for the terrorists to advance. But the attackers seemed bewildered and unsure of what to do after losing the large suicide boat which was to hit the passenger ship.

Meantime further reinforcements were speeding to the area from Kankesanturai and Trincomalee. SLAF fighters were airborne and safety of Pearl Cruise 11 was enhanced with air cover. The first priority was the passengers and further offensive action by the three FACs was considered tactically disadvantageous. However by the time passengers were safely disembarked at Kankesanturai port, the terrorists had retreated to their stronghold on the coast. They were repeatedly engaged by the Air force causing fairly high casualties to the sea-borne terrorist flotilla.

Just before they disembarked, an officer speaking over the public address system announced that the Navy had sacrificed 18 lives to save 710 passengers on the ferry and narrated details of the drama at sea. The passengers were stunned and could only grieve for the brave men who sacrificed their lives to ensure that those on board the ferry would live.

පසු කලෙක කමාන්ඩර් (නැසීගිය) ලලිත් ප්‍රසන්න එදිරිසිංහ රණවිරුවා දෙවන ඉහලම වීර පදක්කම වන 'විරෝදාර විභූෂණ' පදක්කමෙන් පිදුම් ලැබූ බව අවසන් වශයෙන් ලියා තබමි.

ඉයන්ගේ අභියෝගය හෙවත් මගේ සිත් ගත් ගීත 16ක්.. Most difficult assignment in a while

ඉයන් පුංචි අභියෝගයක් කරලා තිබ්බනේ.. මම හිතා ගත්ත ඒක මගේ අයිස් බ්‍රේක් කර ගන්න හොඳ අවස්ථාවක් කියල.. හිතුවට දැන් බැලුවම ඒක කාලෙකින් හම්බවෙච්චි ලොකුම අමාරු වැඩක්.. ඒ කියන්නේ මගේ කැමැත්ත සිංදු දාසයකට සීමා කරන එක.. 

මම සිංදුවකට කැමති වෙන්න බලපාන හේතු කීපයක් තියෙනවා.. පළවෙනිම එක ඒ සින්දුව මට දැනෙන විදිය. මේක වෙන්නේ තනිකරම ඒ අවස්ථානුකුලව.. දෙවෙනි කාරණය සිංදුවේ පදමාලාව- ඒකට ගීත රචකයා නම් කිසිසේත්ම වැදගත් වෙන්නේ නෑ.. තුන්වෙනි කාරණය සංගීතය- සංගීතය ගැන මට ලොකු අවබෝධයක් නෑ ස්වර හත ඇරුනුකොට.. හැබැයි සිංදුවේ අර්ථයට හා ගායකයාගේ කට හඬට ගැලපෙන ඒකාකාරී නොවන සංගීතය මට මිහිරියි.. ඊට අමතරව සමහර ගායක ගායිකාවන්ටත් පොඩි මෙව්වා එකක් තියෙනවා නොකියුවොත් වැරදියි.. ගීතයක රූප රචනාවක් හොඳ වීම නිසා ගීතයකට විශේෂ කැමැත්තක් ඇතිවූ අවස්ථා ඇත්තෙම නැති තරම්.. හැබැයි සමහර කැමති ගීත වලට හොඳ රූප රචනා තිබීම නිසා කැමැත්ත වැඩිවූ වෙලාවල් තියෙනවා.. බාචි සුසාන් ගේ නිහඬ ගමනේ ගීතය මෑත කාලයේත්, නන්දා මාලිනීගේ පිපුණු මලේ රුව එමල දනීදෝ ගීතය මුල්කාලයේත් (දැන් නම් ඒ රූප රචනය විකාශනය වෙනවද දන්නෙත් නෑ) එහෙම රූප රචනාවන් නිසා සිංදුවට තිබුණු කැමැත්ත වැඩි වුනු අවස්ථා දෙකක්..

මුලින් කියුවා වගේ මේකනම් අමාරුම වැඩක්.. ඒක නිසා පුළුවන් තරම් වැඩි ගායක පිරිසකගේ අත අරින්නම බැරි සිංදු තෝරා ගන්න හිතුව.. 

අංක 1- මට මුලින්ම සිංදුවකට කියල දැනුනේ මේ සිංදුව.. අපි පුංචිම කාලේ මට වයස 7-8ක් වගේ ඇති අපේ ගමේ මොකක් හරි අවස්ථාවක පොඩි සංගීතයක් තිබ්බ.. ගමේම අය තමයි සිංදු කියුවේ.. අපේ අයියලාගේ යාලුවෙක් හිටියා 'හෙවන්' කියල අමුතු නමක් තිබ්බ.. Heaven කියන්නේ මොකක්ද කියල දන්නේ නැති කාලේ ඒ නම අමුතු නමක් තමයි.. අන්න ඒ හෙවන් අයිය තමයි එදා අර පුංචි සංගිතේදී මේ සිංදුව කියල මාව පිස්සු වැට්ටුවේ.. ඔය මං උඩින් කියපු හැම ඉංග්‍රීඩියන් එකක්ම මේකේ අඩු නැතුව තියෙනවා.. අදටත් එදා වගේම කන්දෙක ඇතුලෙන් අහන සිංදුවක්.. කොච්චර හිතේ තියෙනවද කියුවොත්ව වතාවක් මම (නේවි එකේ ට්‍රේනින් ගිය මුල්කාලේ) අම්මට ලියපු කවි ලියුමක් අවසන් කරේ මෙහෙම.. 

...ලොව ජය අරන් මම එනතුරු නොපමාව

ඔබ මග බලනවද ඉඳ ඉඳිකඩ ගාව...

අපේ ගෙදර මමයි අපේ ලොකු අක්කයි ඇරෙන්න අනිත් ඔක්කොම සංගීත කාරයෝ.. පළාත් මට්ටමෙන් තාත්තා, ලොකු අයිය වගේම පොඩි අක්කත් පළමු තැන දිනලා තියෙනවා ගායනයෙන්.. පොඩි අක්ක ජාතික මට්ටමෙන් පැවැත්වුණු 'සිංහ ගී උදානය' වැඩසටහනේ කුසලතා ජයග්‍රහණයක් පවා ලැබුවා සාගරිකා ගෝමස් ගායිකාවගේ ලෝනා මුණි රාජාගේ සිංදුව කියල .. ඒ වැඩසටහනේ පළවෙනියා වුනේ අමරදේවගේ සින්දුවක් කියපු අසංක ප්‍රියමන්ත පීරිස්.. 

අංක 2- මට ඇඟටම දැනිච්ච අනිත් සිංදුව කියුවේ ඒත් ඔය උඩින් කියපු වයසේදීම වගේ.. අපේ ලොකු අයියයි එයාලගේ යාලුවෙක් වෙච්චි ධම්මි අක්කයි අපේ ගෙදර තිබ්බ පැදුරු සාජ්ජෙකදී.. ඒ කාලේ ඒ ගොල්ලන්ගේ මල් මල් තරුණ වයස.. දෙන්න අතර මොනවා මොනවා හරි මෙව්වා එකක් තිබ්බද දන්නෙත් නෑ.. හැබැයි ධම්මි අක්ක අපේ අයියට වැඩිය සුට්ටක් වැඩිමල් ද කොහෙද.. (මේ ඔක්කොම දේවල් ඒ දවස්වල එක එක්කෙනා කතා කරපුව.. සිංදුවත් එක්කම මගේ හිතට වැදුණු..) වැඩේ කියන්නේ මෑතක් වෙනකං මම හිතන් හිටියේ මේක යුග ගීතයක් කියල.. යූ ටියුබ් වල ආයෙම පරණ සින්දු අහන්න ගත්තම තමයි දැනගත්තේ එහෙම නෙවෙයි කියල.. 

අංක 3- ඔයින් ටික කාලෙකට පස්සේ ආවේ මගේ ත්‍රාඩ කාලේ.. නහයට අහන්නේ නැති එකේ සිංදු අහන්නේ මොකාද? හැබැයි රූකාන්ත ගුණතිලක කියල ඒ වගේම ත්‍රාඩ ඩයල් එකක් ඒ කාලේ අපිටම ගැලපෙන ස්ටයිල් එකකින් සිංදු කියන්න ගත්ත.. ඔන්න ආපහු සිංදු රහ වැටුන.. නිතරම රුකා ගේ සිංදු කෑල්ලක් කටේ.. කොච්චර වැඩේ නැගල ගියාද කියුවොත් අපේ තාත්තගේ අම්ම- අපි කියුවේ ආතා කියල- නැතිවෙලා 87-88 වගේ මළගෙදර යන්න මුණ සෝදන ගමනුත් මේ සිංදුව කියල අම්මගෙන් බැනුනුත් ඇහුව.. 

අංක 4- ඊළඟට ආවේ රහස් පොලිස් රැවුල එන කාලේ.. 89-90 වගේ ඒ කාලේ අපේ වයස් වල කෙල්ලෝ ඔක්කොම අපිට වැඩිය උස මහතයි.. උන් අපිව ගණන් ගන්නෙත් නෑ.. උන් ඔක්කොටම වගේ ඒ කාලේ අමුතු පිස්සුවක් තිබ්බ.. ඒ ගායකයෙකුට ලව් කරන.. ඒක නිසාම 'පුද්ගලයෙක් විදියට' අපි කොල්ලෝ ඔක්කොම ඌට ඉරිසියා කරා. හැබැයි කෙල්ලොන්ට ලියුන් ලියනකොට නැත්නං ඉස්කෝලේ ඩෙස් එකට ගහල සිංදු කියනකොට ඊටත් ටික කාලෙකට පස්සේ ගෙදරට වලි දාල සංගීත බලන්න යනකොට නම් අපිත් ඌට ෆුල් ලව්. අපේ කාලයේ (ජෝතිගෙන් මිල්ටන් ගෙන් පස්සේ කාලයේ) වැඩිම කෙල්ලන් පිරිසකගේ ආදරේ දිනාගන්න ගායකයෙකුට පුළුවන් උනා නම් ඒ වෙන කවුරුවත් නෙවෙයි නාමල් උඩුගම.. මොකක්දෝ හිතා ගන්න බැරි හේතුවකට නාමල්ගේ 'නිහඬ වෙලා හද නොසැලී හසරැල්' සිංදුව ඇහෙනකොට අදටත් මට ඇඟ හිතල වෙලා ලොකු දුකක් දැනෙනවා..

අංක 5- අපේ ගෙදර උන් වගේම මගේ ඉස්කෝලේ යාළුවෝ අතරත් හොඳටම සිංදු කියන්න, සිංදු අහන්න වගේම සිංදු ලියන්න පුළුවන් හෙන සෙට් එකක් ඉන්නවා.. සිංදු කියන්න පුළුවන් උන් දෙන්නගෙන් එකෙක් නම් දැන් සෑහෙන්න තරමක් ප්‍රසිද්ධ වෘත්තීය නොවුනත් වෘත්තීය මට්ටමේ ගායකයෙක් හා සංගීතඥයෙක් .. අනිකා දැන් බීල බීලම කටහඬ සවුත්තු කරගත්ත ඉංජෙක්.. මං වැඩ කරන ආයතනයේම ජේෂ්ට ව්‍යාපෘති කළමනාකරුවෙක් නිසා මාසෙකට සැරයක් දෙකක් තාම සෙට් වෙනවා.. අමරදේවගේ සිංදු (ඉස්සර) කියනවා ඇත්තටම අමරදේවට වඩා ලස්සනට.. 92න් පස්සේ අපිට ආවා අමරදේව පිස්සුවක්.. පිපුණු කුසුම, කොළොම්තොට වගේ අමරදේවගේ කැසට් මිටි ගණන් එකතු කරන්නත් පැය ගණන් සෙට් වෙලා එක දිගට ඒවා අහන්නත් අපිට ඕනේ තරම් වෙලා තිබ්බ.. ඇත්තටම අමරදේව 'මාස්ටර්' ගේ සිංදු මොනවටද අකමැති කියල කියන එක මිට වඩා ගොඩක් ලේසියි.. ඒත් මේ කියන කාලේදී හිතට අල්ලපු මේ සිංදුව තාම ඒ වගේම හිතේ තියෙනවා.. කියන්නේ 'කළු' ගැන.. කවුද කළු කියල නොදන්නා අයගෙන් අහන්න වෙන්නේ 'මන්ද කළු පිං නොකලේ?' කියල තමයි.. 

අංක 6- ඔය කාලෙම තමයි සංගීත සංදර්ශන ලංකාවේ අතිශයින් ජනප්‍රිය උනේ.. ජිප්සීස් හා සන්ෆ්ලවර්ස් සංගීත කණ්ඩායම් හා නාමල්, අතුල අධිකාරී හා ඒ වගේම තව පට්ටම ඩයල් එකක් වන ආත්මා තමයි අපේ කාලේ සංගීත සංදර්ශන 'රන්' කරේ.. අනිත් උන් සපෝට් කැරක්ටර්ස් විතරයි.. ට්රු රුටු ටුටු රුටු ටුටු ට්රුට්න්.. ට්රුං ටුන්ටු ට්රුට්න් ට්රුං ටුන්ටු  ට්රුං ටු ට්රුන් ටුන්.. කියල ලියතඹරා මියුසික් එක ඇහෙනකොට නටපු නැති එකෙක් ඒ කාලේ අපේ වයස්වල කොල්ලොන් අතර හිටියේ නෑ මං දන්නා තරමින්.. ලියතඹරා එකට අදටත් ආස උනත් මම ආත්මාගේ වැඩියෙන්ම ආස සිංදුව ඒක නෙවෙයි.. මීට අවුරුදු 15 කට විතර කලින්ම මගේ බැචෙක් ගේ වෙඩින් එක වෙලාවේ නුවර අර්ල්ස් රිජන්සි හෝටලේදි ගානට අනුමත වෙලා ඉන්න වෙලාවක අපේ ජෙෂ්ට උත්තමයෙක් 'සුපිරියටම' කියපු මේ සිංදුවට ගහන්න ආයි එකක් නෑ තාමත්..

97-99 අවුරුදු මගේ මතකයෙන් ඉරේස් වෙලා තියෙන්නේ.. නේවි එකේ ට්‍රේනිං කාලේ.. කෙලින්ම මාව උණු කරලා අලුත් අච්චුවක වක්කරල අරගත්තේ ඒ දවස්වල.. ඊට  පස්සේ  ආවේ ජීවිතයත් මරණයත් අතර ෆන් ගත්ත ඩෝරා ජිවිතේ.. මළත් මොකද AC එකේ සිංදුවක් අහගෙන කියල තමයි ඒ කාලේ කියන්නේ.. රෑට රේඩාර් වොච් එකේ ඉන්න ගමන් නොනවත්වා සිංදු අහනවා.. අනිත් වෙලාවට හිමාලි සිරිවර්ධන ගේ සෙන්ශේෂන් ලගේ නැටුම් එක්ක 'නන්ස්ටොප් කැරෝකේ' බලනවා 'මැගී' කකා 'මාමයිට්' බිබී.. ඔය  කාලේ තමයි චන්දන ලියනාරච්චි සහ සශිකා නිසංසලා කියන ගායක ගායිකා දෙන්නගේ සිංදු නැගල ගියේ.. තව සුභානි හර්ෂනී කියල ගායිකාවකුත් ආවා.. හැබැයි ගොඩක් කල් අල්ලලා ගියේ නෑ.. දීපිකා ප්‍රියදර්ශනී ල, නිරෝෂා විරාජිනී ල, සමිතා ල, අසංක ප්‍රියමන්ත ලත් බොහොම ප්‍රශස්ථ මට්ටමෙන් සීන් එකේ හිටියා.. රෑ නිදිවරාගෙන ඩෝරා එකේ දී අහපු සිංදු තමයි මගේ ලිස්ට් එකේ 7, 8, 9, 10 තියෙන්නේ.. මේ හැම සින්දුවකටම අදටත් එදා මතකයෙන්ම ආසයි..

අංක7- සශිකා නිසංසලා මේකට පස්සේ තව ලස්සන සිංදු ගොඩක් කියුවට මගේ මතකයේ ගැඹුරින්ම සශිකාව තියෙන්නේ මේ සිංදුවට මගේ තියෙන ලව් එක නිසා.. 

අංක 8- අසංක ප්‍රියමන්ත කියන්නේ දැන් 'විහිලුවට ලක්වෙන' ගායකයෙක් උනාට මුල් කාලේ අපි හිතුවේ කවද හරි ඊළඟ 'අමරදේව' වෙයි කියල.. පට්ටම සිංදු සෙට් එකක් තිබුනේ.. ඒ අතරින් මේ සිංදුව  තමයි අදටත් අසංක ප්‍රියමන්ත කියන ගායකයා ගැන මගේ අනන්‍යතාවය..

අංක 9- දීපිකා ප්‍රියදර්ශනී කියන්නේ සිංහල ගීත ලොවට අමිල ගීත ගණනාවක් දායාද කරපු ගායිකාවක්.. මම කියන මේ 2000- 2002 වගේ කියන්නේ දීපිකා ගේත් පීක් එක.. මොන සින්දුව කියුවත් ලස්සනයි.. ජනප්‍රියයි.. ඒ අතරින් ඇස් පියාගෙන විඳපු මේ ගීතය මට ජීවිතේට අමතක වෙන එකක් නෑ.. 

අංක 10- නිරෝෂා විරාජිනී කියන්නේ අපේ කාලයේ ගීත කෝකිලාවිය.. ආයේ ඒකෙ කතා දෙකක් නෑ.. තමන් හොයන ආදරය කවදාවත් නොලබපු නිරෝෂා ගායනා කරපු ආදර ගීත නිසා ඇයට පෙම් කල බොහෝ තරුණයින්ගේ ආදරණිය පෙම්වතිය වෙන්න නම් වාසනාව ලැබුවා.. මමත් අගේ ඒ පෙම්වතුන් අතර කෙනෙක්.. අදටත් නිරෝෂා ගේ සිංදුවක් ඇහෙනකොට දකිනකොට ඒ ලව් එක ඒ විදියටම මතක් වෙනවා.. (ඒ නිරෝෂාව බැඳ ගන්න බැරි උන නිසා මම පස්සේ වෙන නිරෝෂා කෙනෙක්ව හොයල බැඳ ගත්ත.. ) සිනාතොටක් කැසට් එකේ එන මේ සිංදුව ම්ම්ම්ම්ම්ම්... කොච්චර ඇහුවත් මදි..

2003 වසරේදී වගේ මම ගියා තායිලන්තයේ පුහුණුවකට.. එතකොට මට ලැප්ටොප් එකක් තිබුනේ නෑ.. මගේ යාලුවෙක් අන්තිම මොහොතේ මට CD සෙට් එකක් ගහල දුන්න mp3 ෆොර්මැට් එකේ.. අමරදේව, කපුගේ, වික්ටර් වගේ ගායකයින්ගේ සින්දු වෙන වෙනම සිය ගණනක් බැගින්.. මම එහෙ ගිය ගමන් පටුනාම් මාකට් එකෙන් ගත්ත පෝටබල් cd ප්ලේයර් එකක්.. එදා ඉඳන් එනකල්ම කරේ සිංදු අහපු එක තමයි.. මොන හේතුවකටද මන්දා අනිත් cd වලට වඩා වික්ටර් ගේ cd එක තමයි වැඩිපුර ඇහුවේ.. 

අංක 11- අපේ ලොකු අක්ක මට වැඩිය අවුරුදු නවයක් විතර වැඩිමල්.. මට තේරෙන වයසේ වගේ ඉඳල එයා තමයි මාව බලා ගත්තේ, ගෙදර දොර වැඩ කලේ ඉවුවේ පිහුවේ හැම එකක්ම.. එයා අවුරුදු 35ක්-36ක් වෙනකම් ගෙදර හිටියා.. මගුලක් හරියන්නේ නැතුව.. අන්තිමට අනිත් ඔක්කොම බැඳලා එයයි මායි තමයි ගෙදර ඉතුරු උනේ.. ඔය දවස්වල අම්මයි අපි දෙන්නයි හරි එකතුයි.. කොහොම හරි එයාට කටයුත්තක් ලැස්ති වෙනකොට මම 'ලොකු මිනිහෙක්' අන්තිමට මගේ අතින් තමයි එයාගේ මගුලේ සියලු වැඩ උනේ.. ඔයිට ටික කාලෙකට පස්සේ තමයි මම ඔය කියපු ට්‍රේනින් එකට ගියේ.. වික්ටර්ගේ මේ සිංදුව කළුගල් බරුවක් වගේ මගේ හිතේ තැන්පත් උනෙත් ඔය කාලෙම තමයි.. 

(ආ.. කියන්න අමතක උනා.. මම මොනරාගල චැරිටි වැඩ වලට යද්දී අපේ උන්ට උයල කන්න බොන්න දුන්නේ එයා තමයි.. එයා මේ දවස්වල අසනීපෙන්- බ්‍රෙස්ට් කැන්සර් එකකට බෙහෙත් කරනවා)

ඊළඟ සිංදු තුන මගේ ඔලුවේ තැන්පත් කරේ අර මම කලින් කියපු යාළුවා.. නොයෙක් අවස්ථාවල විශේෂයෙන්ම යම් තරමකට අනුමත වෙලා 'නියම ෆ්‍රිකුවන්සි' එකේ ඉන්න වෙලාවට ඒ ඒ සිංදු උගේ කටහඬින් ම මගේ ඔලුවේ ස්ටෝර් වෙලා තියෙන්නේ.. 

අංක 12- අමරසිරි පිරිස් ගේ සිංදු කියුවොත් මුලින්ම මේ සිංදුව කියෙන් කී දෙනෙකුට මතක් වෙයිද දන්නේ නෑ.. මොකද එයාට ඒ තරම් ජනප්‍රිය සිංදු තියෙනවා.. මට මේක සෙට් උනේ නියම වෙලාවේ නියම ෆ්‍රිකුවන්සි එකේ නිසා මට මුලින්ම ඔලුවට එන්නේ මේ සිංදුව මගේ යාලුවාගේ හඬින්.. ඒ අවස්ථාවේ රූප රාමුත් සමඟ..

අංක 13- පොල්ගොල්ලේ ඔහුගේ නිවසේදී බණ්ඩාර අතාවුද කියන සුපිරි ගායකයාව හම්බ වෙලා සජීවීව ඔහුගේ හඬින් ගීත කීපයක් අහන්න ලැබුනෙත් මේ යාලුවෝ පේරා හිටපු කාලෙම තමයි.. හැබැයි මේ සින්දුවත් අදටත් මට මතක තියෙන්නේ පේරාදෙණිය රෙස්ට් හවුස් එකේ බිලා පැනිදෙනියේ බෝඩිමට යන අතරමග බෝක්කුවක් උඩ ඉඳන් කියපු ඒ මිහිරි හඬින් හා රූප රචනාවෙන් මයි.. 

අංක 14- මේ සිදුවීමත් පේරාදෙණියේ / පැනිදෙනියේ රාජා අයියගේ බෝඩිම එක්ක බැඳුනු හා අද වෙනකම් රස විඳින සිදුවිමක මතකයක්.. ඔය මගේ යාළුවා හිටියේ රාජා අයියගේ බෝඩිමේ යට තට්ටුවේ.. උඩ තට්ටුවේ හිටියේ කැම්පස් එකේ ගෑල්ලමයි.. කවදාවත් කෙල්ලෙක් ගැන නොහිතපු මූට ජුනියර් බැච් එකේ සයන්ස් එකේ කෙල්ලක්ට හිත ගිහිල්ල තිබ්බ ඔය කාලේ.. කෙල්ලත් මූට කැමතියි.. වැඩියෙන්ම මූ සිංදු කියනවා අහන්න.. හැබැයි  හෙනම බේබද්දා නිසා කැමති වෙන්නත් බෑ.. කොහොම හරි ඔහොම දෙකට දෙවාරේ ඉද්දි කැම්පස් එකේ තිබ්බ මොකක් හරි ඉවෙන්ට් එහෙක මූට සිංදුවක් කියන්න තිබ්බ.. කෙල්ලත් බලාගෙන ඉන්නවා.. ශාලාව මීයට පිම්බා වගේ.. ලාවට ඇහෙන මියුසික් එක අස්සෙන් කෙල්ලට මධුර මනෝහර ස්වරයකින් මෙහෙම ඇහෙන්න ගත්ත.. '..... හදේ දොරටු විවර කලෙමි.. සොඳුර ඔබේ නමින්..' තව ඉවසන්න බැරි උනා.. කෙල්ල කැමති උනා මේ බේබද්දට.. 

ප.ලි. මම සිංදු කියනවා අහන්න කැමති එක්කෙනෙකුත් මේ ලෝකේ ඉන්නවා.. ඒ මගේ ප්‍රිය බිරිඳ.. සමහර විට ආදරේ නිසා කපුටෙක් අඬනවා වගේ මගේ වොයිස් එක ඇයට මිහිරියට ඇහෙනවා ඇති.. අදටත් අපි කොහේ හරි දුර ගමනක් යද්දී ඇය කැමතියි මම ඔය උඩින් කියපු සින්දු දෙක අහන්න මගේ කට හඬින්.. මේ නිධාන කතාව නිසා ඇයත් ඒ සින්දු දෙකට අතිශයින් ප්‍රිය කරනවා..

සමහර සිංදු තියෙනවා මොන තරඟෙට දැම්මත් නිතරඟයෙන් දිනන.. හරියට රනිල් වික්‍රමසිංහ කොළඹින් චන්දේ ඉල්ලනවා වගේ.. ඊළඟ චොයිස් දෙකත් ඔබ්වියස්.. හේතු පාඨ ඕනේ වෙන එකකුත් නෑ.. අර මම මුලින් කියපු මගේ කැමැත්තේ සියලු අංග නොඅඩුව සපුරන මේ ගීත දෙක අවසානයට නම් කරනවා විශේෂ හේතුවක් සඳහන් නොකරම

අංක 15- නන්දා මාලිනීගේ ගීත ගොන්නකින් එකක් තෝරලා දෙන්න කියල කවුරුහරි කියුවොත් මට ඒක බොහොම අමාරු ටාස්ක් එකක්.. හැබැයි මගේ එක අඩුපාඩුවක් වෙන 'කාන්තාවක් අඬනවා/ විලාප දෙනවා අහගෙන ඉන්න අමාරු කම' නිසා නන්දා මාලිනීගේ මේ සිංදුව මට හොඳටම රිද්දනවා..

අංක 16- මේ තාක් අහපු සිංදු නිසා හිත කලබල වෙලා නම් අන්තිමට මේ සින්දුව අහමු.. සිත නිවන මේ මියුසික් එකත් එක්ක හෙළයේ මහා ගාන්ධර්වයා ගේ මධුර මනෝහර හඬට ආදරේ කරන්න විශේෂ හේතුවක් ඕනිද?

ඉයන්.. ඔන්න බොස්.. ටාස්ක් කම්ප්ලිටඩ්. මේ අයි හෑව් ද පර්මිෂන් ටු කැරි ඔන්? 

බ්ලොග් නේවිකරණය.. Navalization of Sinhala Blogging

ඇඩෝව්.. කවුද ඩෝ චණ්ඩි.. කෝ ඔය විචාරකල.. අරයලා මෙයාල.. පුළුවන් නම් අරන් එමු බලන්න මීට වැඩිය ලොකු ආමි ලොක්කෙක් බ්ලොග් වලට.. (කුරුළු ලොක්කොනම් නේන තරමට කැමතියි.. )

සරත් ගේ ලොක්කත් ගේමට බැහැල ඉන්නේ හරිය.. 

අපි යනවා.. ඔහේල ඒ පැත්තේ ගිහින් ප්‍රශ්ණ තියෙනවනම් විසඳගෙන එනවා හොඳයි.. අපිට තව කුමන්ත්‍රණ කරන්ඩ තියෙනවා.. බදුල්ලකරණය.. මාගකරණයෙන් පස්සේ දැන් නේවිකරණය.. හැක් හැක්...

 අනුග්‍රහය- www.navy.lk

වැඩේ කම්ප්ලිට්.. Job done. Thanks all!

ප්‍රිය මිතුරු මිතුරියනි..

පසුගිය දිනෙක ඔබේ උපකාරයෙන් කැලණිය හෙලේනා විජේවර්ධන බාලිකාවේ දැරියන් පිරිසකට පාසැල් පාවහන් ලබා දී ඉතිරි වූ මුදලෙන් ඔවුන්ටම අවශ්‍ය කාන්තා යට ඇඳුම් ලබා දීමට කටයුතු කරන බව පැවසුවා මතක ඇති. ඒ කටයුත්ත අද දින අදාළ පාසලේදී සිදුකල බව පවසන්නේ සතුටින්. මගේ සහභාගිවීමක් අවශ්‍ය නොවුණු නිසා ඒ කටයුත්ත සම්භන්දිකරණය කල Urekha Darshani ගුරුතුමිය හා සෙසු ගුරුවරියන් අතින්ම රුපියල් 25500/- වටිනා යට ඇඳුම් කට්ටල 100කට ආසන්න ප්‍රමාණයක් සිසුවියන් අතර බෙදා දුන්නා.. අත්‍යවශ්‍යම සිසුවියන් සොයාගැනීම හා ඔවුන්ට අවශ්‍ය ප්‍රමාණයන් හඳුනා ගැනීම අදාළ ගුරුවරියන් විසින් සිදු කර ඒවායේ මිල ගණන් කිරිබත්ගොඩ වෙලෝනා ආයතනයෙන් ලබා ගෙන අවශ්‍ය මුදල මට දැන්වූ පසු Urekha ගුරුතුමියගේ ගිණුමට රුපියල් 25500/- මුදලක් බැර කරා. නමුත් ඒ අවශ්‍ය සියල්ල එකවර ලබාගැනීමට නොතිබූ නිසා අලුතෙන් මසා නිමකර දීමට යම් කාලයක් ඔවුන් ගත්තා. කෙසේ හෝ පහුගිය සිකුරාදා දිනයේදී අවශ්‍ය යටඇඳුම් කට්ටල සියල්ල ඔවුන්විසින් පාසල වෙත ඒවා තිබුණු අතර අද දිනයේදී ඒවා දියණියන් අතර බෙදා දෙනු ලැබුවා.. යුරේකා ගුරුතුමිය විසින් මා වෙත ඒවා තිබුණු චායාරුප කිහිපයක් මේ සමඟ පලකරනවා.. ඒ දියණියන්ගේ මුවග දිලෙන කිරි සිනහවේ දිස්නයටත් ඔවුන් පා පැළඳි කිරි සුදු පා වහන් යුවලේ දිස්නයටත් මගේ නම් නෙතඟට නැගුනේ සතුටු කඳුළක්.. දන්නවා ඔබටත් එය එසේම වේවි.. ස්තුතියි!

බ්ලොග් ගොසිප් කීපයක් කෙටියෙන්.. Blog Gossip Little Short

ටින් ටැං ටොන්.. මේ නෙලුම් පුවත් සේවයයි..  මුලින්ම සිරස්තල..

කටුස්සා රට හැර යයි..

සරත් විමලසූරිය රට හිනස්සයි..

බ්ලොග් වසන්තය හබක්..

බ්ලොග් කරුවකු හා බ්ලොග් කාරියක යුග දිවියට..

සම්මානනීය බ්ලොග් කාරිනි නුවරකුමාරි අඩු වයසෙන් මියයයි..

ප්‍රථම පුවත ඔබ වෙත ගෙන එන්නේ මැන්ඩිස් ඕල්ඩ් අරක්කු සමාගමේ සාදර අනුග්‍රහයෙනි..

ඉතා කුඩා සරිරයකට හිමිකම් කියූ සත් ගුණවත් කටුස්සා තුමා අඬ අඬා සිට හදිසියේ රට හැර ගොස් දැන් එහි සිට හිනාවීමට පටන් ගෙන ඇත.. ඒ වෙනුවට කටුස්සගේ පැනයාමෙන් අඩුවූ මැන්ඩිස් ඕල්ඩ් අරක්කු වෙළඳාම ගැන සිතමින් මැන්ඩිස් මුදලාලි අඬන්නට පටන් ගෙන ඇතැයි නෙලුම් පුවත් සේවයට වාර්තාවේ.

පහුගිය දවස්වල නොයෙක් ජාතියේ කෙරුම් කාරයෝ බ්ලොග් ලොව ආක්‍රමණය කල බව විවිද පුවත් සේවා වලින් ආරංචි විය.. ඒ අතර චිත්තර කාරයෝ, දේශපාලකයෝ, ලේඛකයෝ ආදී මෙකි නොකී අය බොහෝ වූ අතර මේ වර බ්ලොග් ලොව කැළඹු නවතම සෙල්ලම වාර්තා වෙන්නේ ලොවෙත් (හිටියට අපේ රටේ කවදාවත් හිටපු) නැති උඩු රැවුල් කාර නේවි කාරයෙකු විසිනි. හේ සරත් විමලසූරිය නම් වන අතර ඔහු ගැන කීමට නෙලුම් පුවත් සේවයට වචන හොයා ගත නොහැකි නිසා ඒ පැත්තට ගොස් මේකා කොයි වගේදැයි හොයා ගන්නා ලෙස බල කරනු ලැබේ..

තමන්ගේ තරමට වඩා ඉදිමෙන්න හැදු බ්ලොග් වසන්තය දින 44 කින් හබක් වී ඇතැයිද එහි ප්‍රධාන සංවිධායකයින් දෙදෙනා එකාට එකා ටොයියා බයියා කියමින් ඇනකොටා ගන්නා අතර සපෝට් සංවිධායක තුමා (මෙසේ) මඩ ගසන බවද දක්නට ලැබේ.. කෙසේ වෙතත් පෙර නොවූ විරූ ජවයකින් නැවත බ්ලොග් ලොව ආක්‍රමණය කල පැරණි බ්ලොග් කරුවන් හා සමව කරට කර තරඟ කරමින් වසන්ත සමය තුල බ්ලොග් පිබිදීමට උරදුන් ජයග්‍රහණය කල නොකළ සියලු සිංහල බ්ලොග් කරුවන්ට නෙලුම් පුවත් සේවයේ ගවුරව බහුමානය මෙසේ පිළිගන්වනු ලැබේ..

ඉතිරි පුවත් ඔබවෙත ගෙන එන්නේ ප්‍රවීණ ඉංග්‍රීසි දේශක Ratathota Wisthara මහතාගේ අනුග්‍රහයෙනි. Next gossip bring to you veteran English Lecture Ratathota Wisthara Mr. sponsorship.

මේ අතර පහු ගිය දෙතුන් දොහ තුල යුග දිවියට එළඹී ප්‍රවීණ බ්ලොග් කරු මනෝගේ ලෝකයේ මනෝජ් ප්‍රනාන්දු ට හා පුංචි කැකුළු මල තුෂානි ට නෙළුම් පුවත් සේවයේ උණුසුම් සුභ පැතුම් එකතු කරනු ලැබේ.. හෝව්..හෝව්.. මේ දෙදෙනා විවාහ වුයේ වෙනත් දෙදෙනෙකු සමඟ බැවින් ඔවුන් දෙපලටද ටියුබ් ලයිට් නෙලුම් පුවත් සේවය සුභ ප්‍රර්ථනා කරයි..

අවසානයට අවමංගල දැන්වීම්..

කලක් බ්ලොග් ලොව දිග විජය කළා වූ සම්මානනීය බ්ලොග් ලේඛිකා නුවර කුමාරි  පුද්ගලික හේතු මුල් කරගෙන අවසන් ගමන් ගියාය.. නෙලුම් ගොසිප් සේවයට වාර්තා වන පරිදි නුවර කුමාරි හොල්මනෙන් ඇවිත් පුලු පුලුවන් විදියට බ්ලොග් කියවන හෙයින් නැවත වෙන නමකින් හෝ උට්ඨානය ලැබීමට (ඉඩ ලැබෙන පරිදි) ඉඩ කඩ ඇත. එතෙක් නෙලුම් පුවත්ව සේවය වෙනුවෙන් නුවර කුමාරිට RIP (Return if Possible) කියමු..

කාලගුණය යහපත් හෙයින් රාජකාරි වැඩකට යාමට පුවත් සේවය සැණෙකින් අවසන් කරමි.

ටැං ටින් ටොන්..

සපත්තු මේස් අරං කැළණියට ගියෙමි... Some jobs don't have JDs...

එක වචනයට.. උදව් කල.. උදව් කිරීමට උත්සාහ කල.. හා සහයෝගයට කතාකල ඔබ සැමට ස්තුතියි.. පින් කැමති අයට පිං.. හිතේ සතුට අපේක්ෂා කරන අයට ඒ සතුට.. ඉහළින්ම ලැබේවි.. දූවරුන්ගේ පාසලක් නිසා පින්තූර ගැනීමත් මෙහි පළකිරීමත් ප්‍රවේශමෙන් කරමි.. බොහෝ දෙනෙකු උදව් කල හෙයින්ද, ආධාර අවශ්‍යවූ දරුවන් සීමිත වූ හෙයින්ද (වෙනත් අය වෙතින්ද ආධාර ලැබී තිබු නිසා දැනට සපත්තු අවශ්‍ය වුයේ දරුවන් 20 දෙනෙකුට පමණි) ලැබුණු මුදල් ආධාර වලින් වැඩි ප්‍රමාණයක් තවමත් අත ඉතිරිව ඇත..

තව මේ වනවිට ඒ දරුවන්ට දැවෙන ගැටළුවක් වී ඇති බව පැවසුනේ සුදු ඇඳුමට අඳින යට ඇඳුම් කට්ටලයි. (සොයා ගැනීමට හැකිවූ භාවිතා කල යට ඇඳුම් ගුරුවරියන් විසින් සෝදා ළමයින්ට ලබා දීමට කටයුතු කල බව විදුහල්පතිනිය පැවසිය.) එ නිසා ඒ දරුවන්ට අවශ්‍ය කරන යට ඇඳුම් හා ඒවායේ ප්‍රමාණයන් ලිස්ට් එකක් සාදා කිරිබත්ගොඩ වෙලෝනා ආයතනයෙන් මිලට ගැනීමටකටයුතු කරන ලෙසත් අදාළ බිල්පත මා විසින් ගෙවන්නට කටයුතු කරන බවටත් දැන්වූවා.. 'අදාළ නැති' වුවත් ඒ අවස්ථාවේ වෙනත් විකල්පයක් මට මතක් වුයේ නෑ.. වෙනත් හොඳ යෝජනාවක් තිබේනම් දන්වන්න..

මල්කැකුළු වන් සුන්දර දියණියන්ගේ විළිබර සතුටු මුහුණු ඔවුන්ගේ යහපත සඳහා ඔබෙන් වසන් කිරීමට සිදුවීම ගැන සමාවන්න.

   

නම් වශයෙන් සඳහන් නොකළ නමුත් ඔබ සැමට නැවතත් ස්තුතියි.. ඉදිරියේදී ලැබුණු ඉතුරු මුදල් වලින් කුමක් කරන්නේද යන්නත් මෙලිසින්ම දන්වන්නම්..

මෙම කටයුත්ත සම්බන්ධීකරණය කල Urekha Haloluwa ගුරුතුමියට විශේෂ ස්තුතිය..